Ǵalymdar Medeýdi sý tasqynynan qorǵaýdyń kompiýterlik modelin jasady
Ǵylymi jumysqa tehnika ǵylymdarynyń doktory, professor B.A. Belgibaev jetekshilik jasaǵanyn aita ketýimiz kerek.
Úshólshemdi interfeisti daiyndaý barysynda ǵalym sol jerdiń landshafyn jan-jaqty zerttegen. Tipti, iri tastardyń qaida jatqanyn anyqtap, olardyń sý tasqyny kezinde qalai qozǵalatynyn da shynaiy ómirdegidei beinelepti. Sonymen qatar zertteýshiler Medeýdegi sýdan qorǵaý aýmaǵynyń tehnikalyq jaǵdaiyna tereń taldaý jasap, ony AQSh, Italiia, Perý jáne Germaniiadaǵy dál osyndai sýdan qorǵaý nysandarymen salystyrǵan.
Sý tasqyny kezinde sý rettegishtiń tómengi jaǵyndaǵy sýaǵar týnelderge tastar jinalyp qalmaýy úshin, qandai qaýipsizdik sharalaryn qoldaný kerektiginde eseptegen.
Tótenshe jaǵdaidyń aldyn alý mamandary QazUK ǵalymdary daiyndaǵan kompiýterlik modeldeý nusqasy sý tasqyny kezinde qaýipsizdikti saqtai otyryp, Kishi Almaty ózenimen qanshalyqty sýdy aǵyzyp jiberýge bolatynyn aiqyndap bergenin joǵary baǵalady.
