Sýleiman Demirel atyndaǵy ýniversitet rektory Álimjan Bekejanuly sharanyń ashylý saltanatynda qatysýshylarǵa sáttilik tilep, pedagogterdi Ustazdar kúnimen quttyqtady.
«Búgin ǵalymdar álemde teń dárejede bilim berýdi talqylaidy.Halyqaralyq deńgeidegi mundai ǵylymi konferentsiiany ótkizý ýniversitetimiz úshin úlken mártebe. Sharany uiymdastyrýdaǵy basty maqsatymyz – jahandaný dáýirinde tutas bilim berý júiesine negizdelgen qundylyqtardy jáne túrli mádenietter arasyndaǵy yntymaqtastyq qarym-qatynasty dáripteý. Sondai-aq otandyq jáne halyqaralyq ǵalymdarmen ǵylymi jáne kásibi bailanys ornatatyn alań qurý, bilim salasyndaǵy ózekti máselelerdiń ońtaily sheshimin tabý. Osy eki kúnniń ishinde atalǵan máseleler boiynsha usynǵan zertteýler bilim berý protsesin damytýǵa úles qosady degen senimdemin. Konferentsiiaǵa qatysyp jatqan ustazdar qaýymyn kásibi merekesimen quttyqtaimyn», - dedi ol.
Abai atyndaǵy qazaq ulttyq pedagogikalyq ýniversitetiniń rektory, PhD doktor Darhan Bilálov ǵylymi sharanyń mańyzdylyǵyn atap ótti.
«Búgingi halyqaralyq ǵylymi konferentsiia – óte mańyzdy shara. Taqyryptyń ózi aityp turǵandai, ǵalymdar álemdegi ózekti máselelerdiń birin kóterip jatyr. Birinshiden, balalardyń teń dárejede sapaly bilim alýy kerek. Bul Qazaqstanda ǵana emes, álem boiynsha kún tártibinde turǵan ózekti problema. Búgingi konferentsiiaǵa qatysyp jatqan zertteýshiler osy taqyryptaǵy zertteýleri týraly aityp, mańyzdylyǵyn túsindirip qana qoimai, onyń naqty sheshý joldaryn, mehanzimin de usynyp jatyr», – dedi rektor.
Halyqaralyq ǵylymi konferentsiiada onlain jáne oflain formatta bilim berý júiesin jaqsartýǵa arnalǵan kóptegen ideia aitylyp, ǵalymdar zertteý jumystarymen bólisip jatyr. Olardyń ishinde bilim berý salasyndaǵy táýelsiz zertteýshi, Úndistannan kelgen professor Sugata Mitra, London ýniversitettik kolledjiniń ǵylym jáne ekologiialyq bilim berý professory Justin Dillon, professor, doktor, Tailandta Parlamentiniń depýtaty Kanok Wongtrangan, Abai atyndaǵy Qazaq ulttyq pedagogika ýniversitetiniń rektory, PhD doktory Darhan Bilálov, Qazaq ulttyq qyzdar pedagogikalyq ýniversitetiniń rektory, PhD doktory Gúlmira Qanai, KIMEP ýniversitetiniń dekany, professor Jýldyz Smagýlova, Nazarbaev ýniversitetiniń professory Dýishon Shamatov basty spikerler retinde qatysyp jatyr.
