Jobany 2015 jyldyń maýsym aıynan beri MediaNet Halyqaralyq jýrnalısıka ortalyǵy «Shevron» kompanıasynyń qoldaýymen júzege asyrýda.
Áleýmettik joba qazirgi ýaqytta Atyraý, Astana jáne Almaty qalalary boıynsha 4500-den astam adamdy qamtyp otyr. Kýrsqa qatysýshylar kompúterlik, ınternet jáne bıznes saýattylyq boıynsha tegin bilim alýda. Kýrs stýdentteriniń arasynda memleketik bilim berý uıymdarynyń, medısınalyq jáne áleýmettik mekemelerdiń 1300-den astam qyzmetkerleri bar. Atyraý qalasynda jobany oblystyq ákimshilik qoldap, 2016 jyly óńirdegi jobanyń iske asýy aıaqtalǵannan keıin de toqtatpady.
Internet4U jetekshisi Ádil Djalılov: «Bul joba qazaqstandyqtardyń arasyndaǵy sıfrlyq teńsizdikti qysqartýǵa kómektesip qana qoımaı, halyqtyń áleýmettik-ekonomıkalyq kórsetkishteriniń, sıfrlyq saýattylyǵy men elimizdiń básekege qabilettiligin arttyrýǵa úles qosýda.
Biz 2 jyl ishinde ár túrli jastaǵy, áleýmettik jáne materıaldyq jaǵdaıdaǵy turǵyndarǵa sabaq berýdiń ózindik tásilderi men ádisterin jınastyra bildik.
Bizdiń jınaǵan tájirıbemiz memleketke jáne ózge de bastamashyl toptarǵa paıdaly bolýy múmkin. Sol úshin de onymen bólisýge ázirmiz», – deıdi.
Joba qalaı jasaldy?
Halyqtyń áleýmettik álsiz toptarynyń ókilderi arasynda aqparattyq teńsizdikti joıýǵa baǵyttalǵan joba Germanıa oqytý ádistemesi negizinde jasalǵan bolatyn. Jobanyń basty ereksheligi – Qazaqstan jastaryn volonter-trener retinde jumyldyrý arqyly urpaq baılanysyn nyǵaıtý.
Kompúterlik jáne ınternet saýattylyqty oqytý barysynda negizgi fokýs stasıonarly kompúterdegi standartty baǵdarlamalarmen jumys isteýge baǵyttaldy.
Qatysýshylar negizgi baǵdarlamalardy túsiný arqyly – túrli aqyldy mashınalarmen jumys isteý prınsıpterin de túsinedi. Bul ádis olardyń keıinnen óz betterimen jańa baǵdarlamalardy meńgerýge múmkindik beredi.
Jobanyń basty maqsaty – qatysýshylardy jumys berýshiler tarapynan qoıylatyn jáne ózderiniń jeke kásipterin bastaýǵa kómegin tıgizetin bilim deńgeıine jetkizý.
Baǵdarlamada planshet, uıaly telefon jáne ózge de mobıldi qurylǵylardy paıdalanýdy da úıretetin taqyryptar bar. Bul, negizinen, 40 jastan asqandar úshin qyzyqtyraq ekenine kýá bolyp júrimz.
Internet4U jobasy aıasyndaǵy bıznes kýrstar da naqty mysaldarǵa negizdelgen. Tyńdaýshylar ózderiniń oılaryndaǵy bıznes ıdeıalaryn iske asyrýdy, ony josparlaýdy, jobalardy bastaý jáne damytýdy saty-saty boıynsha oqıdy.
Jobanyń aldyn ala nátıjeleri týraly «Shevron» kompanıasynyń ókili Aınur Sydyqova:
«Qazaqstanmen seriktes bolǵan 25 jyl ishinde «Shevron» kompanıasy tek munaı-gaz salasynda ǵana emes, sonymen qatar óziniń barlyq kópsalaly jobalary men áleýmettik ınvestısıalarynda da jańa tehnologıalardy endirip, olarmen tanystyryp keledi. MediaNet Halyqaralyq jýrnalısıka ortalyǵy daıyndaǵan biregeı ádisnama ózge de qazaqstandyqtardyń ınternet men kompúterdi úırenýlerine úlken septigin tıgizedi dep úmittenemiz»
dedi.
«Internet4U / Ǵalamtor Siz úshin» áleýmettik bilim berý jobasy aıasynda bilim, medısına, áleýmettik sala qyzmetkerleri, jas analar, zeınetkerler, oralmandar, kitaphanashylar, biliktilikti talap etpeıtin fızıkalyq jumyspen aınalysatyndar, juymyssyzdar, menejerler, satýshylar, jeke kásipkerler jáne taǵy da basqa kóptegen mamandar ózderiniń sıfrlyq tehnologıa salasyndaǵy bilimderin arttyrýda. Bul – olardyń bolashaqqa umtylys jasaýlary úshin berilip otyrǵan zor múmkindik ekeni sózsiz.
Qatysýshylardyń ortasha jasy – 47-de. Keıde kýrsqa otbasymen de keletin azamattar bolady.
Bilim, medısına, áleýmettik sala qyzmetkerleri úshin, olardyń jumys jaǵdaıyndaǵy talaptardy eskere otyryp arnaıy baǵdarlamalar da daıyndaldy.
Kýrsta oqyǵandardyń qatarynda Astana qalasyndaǵy «№ 64 «Asyl bóbek» tirek-qozǵalys apparaty buzylǵan balalarǵa arnalǵan balabaqshasy» MQKM, Almaty qalasyndaǵy №30, 178, 181, 159, 104, 86, 133 jalpy bilim beretin mektepter, Almaty qalalyq №1 jáne №2 PMÁK (psıholo-medıko-áleýmettik keńesiniń), psıhonevrologıalyq aýytqýlary bar balalardyń kúndizgi bolýy ortalyǵy jáne qalalyq ardagerler úıiniń, N.Ostrovskıı atyndaǵy zaǵıp jáne kózder nashar kóretin balalarǵa arnalǵan № 4 arnaıy mektep-ınternatynyń qyzmetkerleri men qyzmet alýshylary bar.
«Internet4U / Ǵalamtor Siz úshin» áleýmettik jobasy jáne oǵan uqsas jobalar bizdiń elimizdiń ár túrli áleýmettik salalaryna aýadaı qajet. Onyń eki jarym jyl ishinde daıyndaǵan ońaı ıkemdeletin ádisnamasy Qazaqstan boıynsha memlekettik, iri jáne shaǵyn kásiporyndardyń qyzmetkerleriniń biliktiligin arttyrý úshin keńinen paıdalanýǵa múmkindik beredi. Bul jobany tipten shalǵaı aýyldarda ornalasqan otbasylar úshin de ıkemdeýge bolady.
Internet4U áleýmettik bilim berý jobasy dál ýaqytynda qolǵa alynǵandyǵyn ýaqyt tóreshi kórsetip otyr.
«Ǵalamtor Siz úshin» jobasy qatysýshylardyń ortasyn keńeıtip, jumysqa turý múmkindikterin ashyp keledi, urpaqtar arasyndaǵy baılanysty nyǵaıtyp, volonterler qozǵalysyn damytýda. Ústimizdegi jyldyń sońyna deıin joba aıasynda júzdegen turǵyn ǵalamtor, kompúterlik jáne bıznes saýattylyqqa qol jetkizbek.
