Kezdesý qorytyndysy boiynsha Almaty oblysy ákiminiń orynbasary Nurjan Qudaibergenov jáne «Surbana Jurong Infrastructure Pte Ltd» kompaniiasynyń bas direktory Choon Chong myrza kelisimge kelip, yntymaqtastyq týraly memorandýmǵa qol qoidy.
Atalmysh Memorandýmnyń maqsaty - taraptardyń jobany ázirleý jónindegi yntymaqtastyǵyn odan ári jandandyrý jáne Qazaqstan Respýblikasynyń zańnamasyna sáikes G4 qalasynyń Bas josparyn ázirleý negizderin belgileý bolyp sanalady.
Atalmysh kompaniia josparlaý men jobalaýdan bastap jetkizý men basqarýǵa, paidalanýdan shyǵarýǵa jáne jabýǵa deiingi jobanyń búkil tsiklin qamtityn turaqty sheshimderdi usynady.
Negizigi «Surbana Jurong» kompaniiasy Singapýrda millionnan astam úi salyp, 60-tan astam elde bas josparlar jasady jáne búkil álem boiynsha 100-den astam ónerkásiptik saiabaqtar qurǵan.
«Biz qazaqstandyq áriptesterimizdiń «G4 City» jobasynyń artynda tutas óńirdiń jáne urpaq bolashaǵy turǵanyna senemiz. Bizdiń mindetimiz - sapaly jáne biregei turǵyn úi jobasy retinde iske asyrylatyn bas jospardy ázirleý úshin eń tiimdi sheshim usyný. Biz sapaly turǵyn úilerdi, jumys oryndaryn, joldardy, temirjoldardy, sý elektr stansylaryn, bógetterdi, jerasty jáne jaǵalaýdaǵy qorǵanys qurylystaryn jáne klientterimizge qajet basqa da mańyzdy infraqurylymdy jobalaý jáne jetkizý arqyly ómir súrýge qolaily keńistikter quramyz", - dep atap ótti Singapýr kompaniiasynyń ókilderi.
