Mańǵystaý oblysynyń prokýratýrasy «Kaspii» fýtbol klýbyna qatysty qarjy jymqyrý faktisin áshkereledi dep jazady Dalanews.kz.
Quzyrly organnyń málimetinshe, oqý-jattyǵý jiyndaryna bólingen 27 million teńgeden astam qarjy qoldy bolǵan.
Oblystyq sybailas jemqorlyqqa qarsy qyzmet Ulttyq qaýipsizdik komitetimen birlesip júrgizgen tergeý barysynda klýbtyń burynǵy basshysynyń zańsyz áreketteri anyqtaldy. Ol eki sybailasymen birge klýb qyzmetkerin kúsh kórsetip, aiǵaqtardy ózgertýge májbúrlegen. Sondai-aq, kúdiktilerdiń 15 million teńgeni bopsalaý áreketi de belgili boldy.
Qazir sot sheshimimen klýbtyń eks-basshysy men onyń sybailastary – «K» jáne «O» esimdi azamattar qamaýǵa alyndy. Tergeý jalǵasýda.
Mańǵystaý oblysynyń Antikor qyzmeti bul isti tolyq ashyp, kinálilerdi jaýapqa tartýdy kózdep otyr.
