Qazaqstanda bilim berý salasynda tehnologiiaǵa negizdelgen jańa model qalyptasyp jatyr. Bul týraly Bilim Group negizin qalaýshy, "Qazaq tili" halyqaralyq qoǵamynyń prezidenti Raýan Kenjehanuly aityp, eldegi tsifrlyq transformatsiianyń aýqymyna toqtaldy, dep habarlaidy Dalanews.kz
Onyń sózinshe, joba bastapqyda jai ǵana trening formaty emes, ulttyq deńgeidegi bilim berý bastamasy retinde qarastyrylǵan. Negizgi gipoteza – tehnologiialyq ekojúiemen kollaboratsiia qurý arqyly oqýshylardyń motivatsiiasyn kúsheitip, nátijesin arttyrý.
«Biz úlken gipotezamen Freedom-ǵa bardyq. Freedom shynymen innovatsiialyq ekojúie retinde bastamamyzdy qoldady. Qazir SuperApp ishinde bizdiń sheshimder jumys istep tur. Olar oqýshylardy, ata-analardy jáne muǵalimderdi múlde jańa tásildermen yntalandyryp, oqý protsesinde qoldap otyr», – dedi Raýan Kenjehanuly.
Onyń aitýynsha, mundai deńgeidegi kollaboratsiia óńirde buryn-sońdy bolmaǵan. Qazaqstan qysqa ýaqyt ishinde mektep júiesin tolyq tsifrlandyrǵan elderdiń birine ainaldy.
Búginde mektep baǵdarlamasynyń barlyǵy tsifrlyq formatta qoljetimdi. Atap aitqanda:
– 39 pán,
– 11 oqý deńgeii,
– 13 300 taqyryp tolyq júielengen.
Bul – birinshi synyptan bastap mektep bitirýge deiin ár oqýshy meńgerýi tiis bilim birlikteriniń naqty sany. Iaǵni, 13 300 taqyryp – balanyń mektep qabyrǵasynda igerýi tiis daǵdylar men bilim kóleminiń tsifrlyq kartasy.
Raýan Kenjehanulynyń pikirinshe, qazirgi bilim sapasyn baǵalaý tásili ózgerýi tiis.
«Másele baǵdarlamany tolyq ótý emes. Naqty suraq – bala osy 13 300 taqyryptyń qanshasyn shyn máninde meńgerdi? Olar arasynda bailanys ornata aldy ma? Sol bilim arqyly qorshaǵan orta týraly túsinik qalyptastyrdy ma?» – dedi ol.
Barlyq taqyryp birneshe formatta usynylǵan: animatsiia, beinesabaq, interaktivti simýliatorlar, jattyǵý trenajerlary. Kontent úsh tilde qoljetimdi. Muǵalimder ony synypta ekranǵa shyǵaryp paidalana alady, al oqýshylar úide daiyndalyp, tapsyrmalardy avtomattandyrylǵan júie arqyly oryndai alady.
Joba avtorlarynyń aitýynsha, bul júie tek tsifrlyq kitaphana emes, tutas bilim berý ekojúiesi. Ol oqýshynyń úlgerimin taldap, álsiz tustaryn anyqtaýǵa múmkindik beredi.
Jasandy intellekttiń engizilýi bul protsesti jańa deńgeige shyǵarǵan. AI tehnologiialary oqýshynyń oqý qarqynyn saralap, jeke usynystar beredi, materialdy meńgerý deńgeiin naqty kórsetedi jáne oqý traektoriiasyn beiimdeidi.
«JI kelgennen keiin protsess áldeqaida kreativti jáne ikemdi bola tústi. Biz bilimdi jekelendirýdiń naqty kezeńine óttik», – dedi Raýan Kenjehanuly.
Osylaisha, Qazaqstanda bilim berý júiesi jai ǵana tsifrlandyrylyp jatqan joq. Ol derekterge negizdelgen, jekelendirilgen jáne tehnologiiamen integratsiialanǵan jańa modelge kóship jatyr. Freedom-pen seriktestik osy transformatsiianyń mańyzdy elementteriniń biri sanalady.
