Freedom Holding Corp. túsimi 2025 f. j. III toqsanda $655 mln qurady, dep habarlaidy Dalanews.kz.
Kiristiń ótken jylmen salystyrǵanda $236,6 mln-ǵa (+ 57%) ósýi mynadai faktorlarǵa bailanysty boldy:
- Saqtandyrý anderraitinginen túsetin kiris negizinen zeinetaqy annýiteti jáne jazataiym oqiǵalardan saqtandyrý boiynsha sharttardyń kóbeiýi esebinen $79 mln-nan $177,5 mln-ǵa deiin (+ 125%) ulǵaidy.
- Saýda baǵaly qaǵazdary boiynsha taza paida Qazaqstannyń egemendi obligatsiialaryn satý esebinen $5,1 mln taza shyǵynnan $89,6 mln (+ 1 860%) taza paidaǵa deiin ulǵaidy. Sondai-aq baǵaly qaǵazdar boiynsha pozitsiialar qunynyń ulǵaiýyna bailanysty sol kezeńde $74,6 mln mólsherinde iske asyrylmaǵan taza paida tanyldy.
- Týyndy qarjy quraldarynan túsken taza paida $42,6 mln taza shyǵynnan $11,9 mln (+ 128%) taza paidaǵa deiin ulǵaidy. Bul negizinen 2024 jylǵy 31 jeltoqsanda aiaqtalǵan úsh aidaǵy valiýta svoptarynyń oń qaita baǵalanýyna bailanysty ótken jyly $41,8 mln mólsherindegi taza shyǵynmen salystyrǵanda $10,6 mln mólsherinde taza paida tapqan Freedom Bank nátijelerimen bailanysty.
- Komissiialyq kiris negizinen bólshek brokerlik klientteri sanynyń artýy esebinen $120,2 mln-nan $143,4 mln-ǵa deiin (+ 19%) kóbeidi.
Holdingtiń shyǵystary $249,9 mln-ǵa (+ 81%) ósti. Mundai dinamika mynadai faktorlarǵa negizdelgen:
Qaita saqtandyrýdy shegergendegi keltirilgen saqtandyrý ótemderiniń kólemi $63,5 mln-ǵa (+ 155%) ulǵaidy. Bul ósim birinshi kezekte eki toqsan arasyndaǵy kezeńde saqtandyrý operatsiialarynyń keńeiýine bailanysty boldy.
Komissiialyq shyǵystar negizinen ómirdi saqtandyrý boiynsha biznes sheńberinde agenttik syiaqy shyǵystarynyń ulǵaiýyna bailanysty $51,1 mln-ǵa (+ 119%) ulǵaidy.
Jalpy jáne ákimshilik shyǵyndar qaiyrymdylyq pen demeýshilikti qamtityn $41,3 mln-ǵa (+ 129%) ulǵaidy.
Kútiletin kredittik shyǵyndarǵa arnalǵan rezerv $34,1 mln-ǵa (968%) ulǵaidy, bul negizinen bank klientteriniń qamtamasyz etilmegen kreditteri boiynsha rezervterdiń jáne satyp alynǵan bólshek kreditter boiynsha talap etý quqyǵynyń ulǵaiýyna bailanysty, bul esepti kúnge deiin valiýtanyń qunsyzdanýyna bailanysty boljamdy aqparatty baǵalaýdyń ózgerýinen týyndady.
Holdingke kiretin kompaniialardaǵy qyzmetkerler sanynyń ósýi sebebinen esepti kezeńde jalaqy men syilyqaqy $32,3 mln-ǵa (+ 72%) ulǵaidy.
Freedom Holding Corp. taza paidasy $78,1 mln qurady. 59,4 mln dana aktsiialardyń bazalyq ortasha ólshemdi sanyna súiene otyryp eseptelgen holding aktsiiasynyń paidasy - $1,32. Holdingtiń 60,5 mln dana kóbeitilgen ortasha ólshemdi aktsiialar sanynan eseptelgen aktsiiasynyń paidasy - $1,29.
Holdingtiń aktivteri $8,302 mlrd-tan $9,135 mlrd-qa deiin ósti (+ 10%). Mindettemeler $7,135 mlrd-tan $7,872 mlrd-qa deiin (+ 10,3%) kóterildi.
Holdingtiń brokerlik klienttik shottarynyń sany 2024 jylǵy 31 jeltoqsandaǵy jaǵdai boiynsha 618 myńdy qurady, bul aldyńǵy toqsanǵa qaraǵanda 63 myńǵa artyq.
2025 fiskaldyq jyldyń úshinshi toqsany kompaniia úshin 2024 jyldyń 31 jeltoqsanynda aiaqtaldy.
Eseptilik valiýtasyn qaita esepteýge bailanysty rezervtiń ózgerýi.
Holdingtiń ózge jiyntyq kirisine/shyǵystaryna shoǵyrlandyrý kezinde enshiles kompaniialardyń fýnktsionaldyq valiýtalarynda kórsetilgen qarjylyq eseptilik kórsetkishterin qaita esepteý nátijesinde týyndaityn eseptilik valiýtasynyń rezervin qaita esepteý boiynsha kirister men shyǵystar engizilgen. Rezervti esepteý kezinde aktivter men mindettemeler baptary esepti kúngi baǵam boiynsha qaita esepteledi, kirister men shyǵystar baptary esepti kezeńdegi ortasha baǵam boiynsha qaita esepteledi. Rezervtiń oń ózgerýi enshiles kompaniialardyń holding esep beretin valiýtaǵa qatysty fýnktsionaldyq valiýtalarynyń baǵamynyń tómendeýi nátijesinde týyndaidy.
Aita keteiik, Freedom Holding Corp. brokerlik qyzmetpen, baǵaly qaǵazdar saýdasymen, investitsiialyq zertteýler men konsýltatsiialarmen, investitsiialyq-banktik jáne anderraitingtik qyzmettermen, ipotekamen, saqtandyrýmen, telekommýnikatsiialarmen, aviabiletter men mádeni jáne sporttyq is-sharalarǵa biletterdi onlain-satýmen ainalysatyn qarjylyq qyzmetterdi usynatyn ártaraptandyrylǵan kompaniia bolyp tabylady. Freedom Holding Corp. enshiles kompaniialaryn eskere otyryp, 8,2 myńnan astam qyzmetkeri bar. Holdingtiń bólimsheleri men enshiles kompaniialary Qazaqstan, AQSh, Kipr, Polsha, Ispaniia, Ózbekstan, Ázirbaijan jáne basqa da elderdi qosqanda 22 elde ornalasqan. Freedom Holding Corp. qarapaiym aktsiialary AQSh Baǵaly qaǵazdar jáne birjalar jónindegi komissiiasynda tirkelgen jáne Nasdaq Capital Market-tegi FRHC tikerimen saýdalanady.
