2024 jylǵy 6 qarashada Qazaqstan men Frantsiia Memleket basshylarynyń qoldaýymen Gime – Aziia óneriniń ulttyq mýzeiinde (Parij) «Qazaqstan: Uly Dala jaýharlary» kórmesi ashylady. Kórme 2025 jyldyń 24 naýryzyna deiin jalǵasady, dep habarlaidy Dalanews.kz.
Qazaqstannyń Ulttyq Mýzeii Frantsiia astanasynda kópshilik nazaryna 4 myń jyldyq kezeńdi qamtityn kóshpeliler mádenietine tán sirek kezdesetin jádigerlerdi usynady. Is-shara elimizdiń mádeniet jáne aqparat ministrligi men Qazaqstannyń Frantsiiadaǵy Elshiliginiń qoldaýymen uiymdastyrylyp otyr.
Kórme eksponattary Qazaqstan Respýblikasynyń Ulttyq mýzeii men «Áziret Sultan» memlekettik tarihi-mádeni qoryq-mýzeiiniń kollektsiiasynan alynǵan.
«Qazaqstan Eýropa elderimen mádeni-gýmanitarlyq yntymaqtastyqty nyǵaitýǵa kóp kóńil bóledi. Bul saladaǵy ózara is-qimyldyń mańyzdy baǵyttarynyń biri – tarihi-mádeni murany dáripteý. Qorynda Qazaqstannyń birneshe mádeni jádigeri bar, Aziia óneriniń álemdegi eń tolyq jáne Eýropa aimaǵyndaǵy eń iri kollektsiialary saqtalǵan Gime – Aziia óneriniń ulttyq mýzeiinde Qazaqstannyń tarihi murasynan kórme ótkizý óner álemindegi eleýli oqiǵa bolatyny anyq», — dep jazdy QR Mádeniet jáne aqparat ministrliginiń baspasóz qyzmeti
Ekspozitsiiada Qazaqstan tarihynyń negizgi kezeńderin (b.z.d. III myńjyldyqtan XVIII ǵasyrǵa deiin) sipattaityn 35 sirek artefakt usynylǵan.
