14 maýsym kúni «EKSPO – 2017» halyqaralyq mamandandyrylǵan kórmesindegi EQYU pavılonynyń resmı ashylýyna qatysqan delegasıa músheleri eki kún boıy Astananyń kórikti jerlerin aralap, qazaqtyń salt-dástúrlerimen tanysty.
Munan soń eýropalyq delegasıa Ońtústik óńirine bet aldy. Shymkenttegi resmı kezdesýlerden soń tarıhy tereń, ǵasyrlardan syr shertken Otyrar ólkesine at basyn burdy. Mártebeli meımandardy aýdan ákiminiń mindetin atqarýshy R.Álish qarsy alyp, kúlli musylman qaýymy qaster tutatyn Arystanbab kesenesine alyp bardy. Úsh tildi erkin meńgergen N.Ámze qurmetti qonaqtardy Arystanbab áýlıeniń ómiri jáne kesene tarıhymen tereń tanystyrdy.
Arystanbab kesenesinen keıin talaı tarıhty qoınyna jasyrǵan Otyrar tóbe qalajurtyna bet alǵan qonaqtar osynda júrgizilip jatqan qazba jumystaryn kózben kórdi. Qonaqjaı otyrarlyqtardyń atynan R.Álish eýropalyq meımandarǵa estelik úshin kádesyılar tapsyrdy. Ózderin qyzyqtyrǵan san saýaldarǵa tushymdy jaýap alǵan qonaqtar rızalyqpen attandy.
