Saiasattanýshy Qazbek Beisebaev mereitoiyn dúrkiretip atap ótken eks-depýtattyń áreketine qatysty pikir bildirdi, - dep habarlaidy Dalanews.kz.
Qazbek Beisebaevtyń sózinshe, bir shetinen eks-depýtat Maqsat ramanqulov mereitoiyn qalai, kimmen, qansha aqsha jumsap toilaýǵa da onyń quqyǵy bar.
«Al bir shetinen elde sý tasqyny bolyp, halyq qinalyp, 5 myń teńge taba almai otyrǵan kezde, milliondaǵan qarjy jumsap toi jasap jatqany – qurmetsizdik. «Men dáýlettimin, qalaýymsha toilaimyn, onda sharýalaryń bolmasyn» degendei. Túlekterge mektep bitirý keshin uiymdastyrýǵa tyiym salynǵan. Al burynǵy depýtat osylai toilap otyr. Ol eks-depýtat bolsa da mereitoiǵa qazirgi depýtattar keldi ǵoi. Qatelespesem ol jerde joǵary shendi adamdar da bolǵan. Qysqasha aitqanda, halyq qinalyp otyr, al olar toilap júr», - deidi saiasattanýshy Zona kz youtube-arnasyna bergen suhbatynda.
Beisebaev mundai áreketter eski Qazaqstanda qalypty jaǵdai bolǵanyn aitady.
«Bolat Nazarbaev ta júzdegen myń dollarǵa alyp tort tapsyrys bergen bolatyn. Nemese bir oblystyń politsiia basshysy da dúrkiretip toilap, oǵan jylqy syilaǵan kez de bolǵan. Mundai mysaldar kóp. Bilimdi, tárbieli adam bulai istemes edi», - deidi saiasattanýshy.
Eske salaiyq, 28 mamyrda qazaqstandyq kásipker, eks-depýtat Maqsat Ramanqulov 50 jas mereitoiyn dúrkirep atap ótkeni týraly habar taraǵan bolatyn. Jiynǵa UQShU bas hatshysy Imanǵali Tasmaǵambetov, Shymkent qalasynyń eks-ákimi Ǵabidolla Ábdirahymov, Májilis depýtaty Qazybek Isa jáne Álihan Báimenov qonaq bolyp kelgen.
Mereitoida páter, avtokólik, saiahat, qymbat uialy telefondar utysqa salynǵan.
Maqsat Ramanqulovtyń mereitoiynda qazaqstandyq ánshilerden reseilik estrada juldyzdary da óner kórsetken.
Keibir derekter boiynsha eks-depýtattyń Almatyda ótken mereitoiyna 300 adam kelgen.
