Saiasatker Bolat Ábilov "Qairat Satybaldy" ekinshi Qańtar uiymdastyrýy múmkin degen pikirge qatysty oiyn aitty, - dep habarlaidy Dalanews.kz.
Ábilovtiń sózinshe, Satybaldynyń qolynan túk kelmeidi.
"Ary ketse shý jasaýy múmkin. Biraq bilikke talasýǵa múmkindigi joq. Qańtar kezinde ol tek "qural" retinde paidalanyldy. Alańdarda, búkil Qazaqstan boiynsha tártipsizdik jasaǵan - onyń radikaldy ekstremist kózqarastaǵy adamdary. "Nazarbaev, ket" deitin adamǵa ákimdikti órteýdiń ne qajeti bar edi? Demokratiialyq kózqarastaǵy qoǵam adamdary ákimdikti basyp alsa, "biz Almaty ákimdiginiń fýnktsiiasyn óz qolymyzǵa alamyz, qaladaǵy barlyq infraqurylym jumys isteýin baqylaimyz" deidi. Adamdardy óltirip, órt shyǵaryp, Nazarbaevtyń rezidentsiiasyn órteýdiń ne qajeti bar edi? Onyń bárin provokatorlar istep otyr. Bárin ádeii istep otyr.
Almaty órtke orandy. Bárimiz tańǵaldyq. Árine, ol durys emes. Bul provokatorlardyń kózdegeni. Sondyqtan Qairat Satybaldynyń qolynan túk kelmeidi. Ol týystyq bailanystarynyń arqasynda baiyǵan adam. 2 milliard dollar qaitardy. Biraq ózinde áli birneshe milliard dollar qaldy dep esepteimin.
Qazir eski Qazaqstan tynyshtalyp qaldy. Kelise alǵandar kelisti. Kelispegenine prezident "áńgime basqasha bolady" dedi", - deidi Bolat Ábilov "Elmediaǵa" bergen suhbatynda.
Eske salaiyq, 3 qyrkúiekte Qazaqstannyń eks-prezidenti Nursultan Nazarbaevtyń nemere inisi Qairat Satybaldyuly bostandyqqa shyqqan bolatyn.
Jýrnalist Mihail Kozachkovtyń sózinshe, Qairat Satybaldyulyn Samat Ábish kútip alǵan.
Aita keteiik, Samat Ábishtiń ózi 8 jylǵa shartty túrde sottalǵan bolatyn. Sot úkimimen Samat Ábish QR QK 362-babynyń 4-bóliginde (Bilikti nemese laýazymdyq ókilettikterdi asyra paidalaný) kózdelgen qylmysty jasaǵany úshin kináli dep tanyldy. Sot jaza taǵaiyndar aldynda Samat Ábishtiń kishkentai balalarynyń bolýyn jáne onyń shyn júrekten ókinýin eskergen. Al jazany aýyrlatatyn mán-jailar anyqtalmapty.
Al Qairat Satybaldy qalǵan 3 jyl, 3 ai jáne 7 kún jaza merzimin Almatyda probatsiialyq baqylaýda bolyp óteidi.
16 tamyzda Qairat Satybaldyuly merziminen buryn bostandyqqa shyǵatyny belgili boldy. Onyń jazasyn shekteý sharasyna aýystyrý týraly ótinishi qanaǵattandyrylǵan.
Bul týraly Óskemen soty habarlady.
"Óskemen qalasynyń №2 soty sottalǵan Qairat Satybaldynyń jazasynyń ótelmegen bóligin jazanyń neǵurlym jeńil túrine aýystyrý týraly ótinishhatyn qarady. Qairat Satybaldy múlki tárkilenip, memlekettik qyzmet atqarý quqyǵynan 10 jylǵa deiingi merzimge aiyryla otyryp, 6 jylǵa bas bostandyǵynan aiyrylǵan bolatyn. Sottalǵan óziniń ótinishhatynda jazasynyń ótelmegen bóligin neǵurlym jeńil túrine aýystyrý týraly ótinishhatyn berý úshin zańnyń barlyq talaptaryn oryndaǵanyn atap kórsetken", - dep jazdy sot.
Al buǵan deiin májilis depýtaty Ermurat Bapi belsendi túrde aktivterin qaitaryp jatqan Qairat Satybaldyuly bostandyqqa shyǵýy múmkin dep qaýiptenip, artynsha onyń boljamy oryndaldy.
