Qostanai oblysynda politsei esirtki qylmysy úshin sottaldy, - dep habarlaidy Dalanews.kz.
Qostanai oblysynda politsei óziniń qyzmettik babyn paidalana otyryp, esirtki quraldaryn asa iri mólsherde ótkizý maqsatynda zańsyz saqtady, tasymaldady, sol siiaqty laýazymdyq ókilettikterin asyra paidalandy dep aiyptalǵan.
Qostanai qalasy Politsiia basqarmasynyń Esirtki qylmysyna qarsy kúres bólimi bastyǵynyń orynbasary tergeýmen anyqtalmaǵan politsiia qyzmetkerlerimen toppen birlese otyryp, densaýlyǵyna ziian keltirý jáne qorqytý arqyly bir azamatty keiinnen áshkereleý jáne qylmystyq jaýapkershilikke tartý maqsatynda ekinshi azamatty asa aýyr qylmys jasaýǵa itermelegen. Politsei qyzmettik kólikte asa iri kólemde psihotroptyq zattar men olardyń analogtaryn zańsyz, birneshe ret ótkizgen.
Tekserý barysynda onyń avtokóliginen asa iri kólemde zańsyz saqtap, tasymaldap júrgen gashish pen metkatinon (psihotroptyq zattyń analogy) tabylyp, tárkilendi.
Sottalýshy óz kinásin moiyndamaǵan, al qorǵaýshylary onyń áreketinde qylmys quramynyń bolmaýyna bailanysty aqtaýdy surady.
Sottalýshynyń kinási jábirlenýshilerdiń, kýálardyń aiǵaqtarymen, tergeý áreketteriniń hattamalary men beinematerialdarymen, sot saraptamasynyń qorytyndylarymen jáne basqa da is materialdarymen tolyq dáleldendi.
Aiyptalǵan baptardyń sanktsiialary bas bostandyǵynan aiyrý túrindegi balamasyz jazany qarastyrady:
- QK-niń 412-1-babynyń 3-bóliginiń 1) tarmaǵy boiynsha - 10 jyldan 12 jylǵa deiingi merzimge,
- QK-niń 297-baby 3-bóliginiń 2), 3), 4) tarmaqtary boiynsha - 10 jyldan 15 jylǵa deiingi merzimge,
- QK-niń 362-baby 4-bóligi 3) tarmaǵy boiynsha - 5 jyldan 10 jylǵa deiingi merzimge.
Sottalýshynyń asyraýynda kámeletke tolmaǵan balalardyń bolýy jaýaptylyqty jeńildetetin mán-jailar dep tanyldy. Jazany aýyrlatatyn faktorlar anyqtalmaǵan.
Sottalýshynyń jeke basyn, is-áreketiniń sipaty men qoǵamdyq qaýiptilik dárejesin, istiń barlyq mán-jailaryn eskere otyryp, sondai-aq QK-niń 55-babynyń 2-bóliginiń normalaryn qoldana otyryp, sottalýshyǵa memlekettik qyzmette laýazymdardy atqarý quqyǵynan ómir boiyna aiyra otyryp, 15 jylǵa bas bostandyǵynan aiyrý jazasy berildi.
Ol "politsiia kapitany" arnaiy ataǵynan aiyryldy. Úkim zańdy kúshine engen joq.
