Kókshetaý jáne Petropavl qalasynyń turǵyndary psihotroptyq zattardy ótkizý boiynsha sottaldy, dep habarlaidy Dalanews.kz.
Kókshetaý qalasynyń prokýratýrasy joǵary oqý oryndarynyń stýdentteriniń qatysýymen α-PVP psihotroptyq zatynyń zańsyz ainalymytýraly is boiynsha sot otyrysynyń tikelei onlain-transliatsiiasyn uiymdastyrdy.
Sotta anyqtalǵandai, aiyptalýshylar aldyn ala sóz bailasyp, psihotroptyq zatty asa iri mólsherde zańsyz satyp alyp, ony ótkizý maqsatynda saqtaǵan.
Sot úkimimen bir sottalýshy 7 jylǵa, ekinshisi 7 jyl 6 aiǵa bas bostandyǵynan aiyrylyp, jazasyn qylmystyq-atqarý júiesiniń ortasha qaýipsizdik mekemesinde óteitin boldy.
Sot otyrysyna jastar arasyndaǵy esirtki quqyq buzýshylyqtarynyń aldyn alý maqsatynda onlain jáne oflain formatta 470 stýdent qatysty.
Qala prokýratýrasy eskertedi: esirtki zattarynyń zańsyz ainalymy qatań qylmystyq jaýaptylyqqa ákep soǵady jáne jastardyń bolashaǵyn birjola buzýy múmkin.
