ESIMOV KETTI, BAIBEK KELDI
Memleket basshysy Nursultan Nazarbaev Almaty aktivine qalanyń jańa ákimi - Baýyrjan Baibekti tanystyrdy. Bul týraly Aqordanyń baspasóz qyzmeti Tvitterde habarlady.
Bul laýazymda B. Baibek A. Esimovti aýystyrdy.
Baýyrjan Baibek Kydyrǵaliuly budan buryn «Nur Otan» partiiasy Tóraǵasynyń birinshi orynbasary qyzmetin atqardy.
Baýyrjan Qydyrǵaliuly Baibek 1974 jyly 19 naýryzda Almaty qalasynda týǵan.
«Bolashaq» baǵdarlamasy boiynsha Gete institýttyn (Bremen qalasy, 1995) «Nemis tili»; «Bolashaq» baǵdarlamasy boiynsha Liýbek qalasyndaǵy Joǵary mektepti (GFR, 1998) pedagog; Ortalyq Aziia ýniversitetin (2002) halyqaralyq ekonomist mamandyqtary boiynsha bitirgen.
«Hattamalyq is-sharalardy qamtamasyz etý boiynsha tájiribelik nusqaulyq» (2007, eki tilde), «Qazaqstan Respýblikasynyń memlekettik hattamasy» (2010) kitaptarynyń avtory; «Qazaqstan Respýblikasynyń memlekettik hattamasy» (2004) kitabynyń birlesken avtory; «Prezidenttiń bir jyly» (2006, 2007) kitabynyń qurastyrýshysy; 6 maqalanyń, sonyń ishinde «Memlekettiń syrtqy saiasi qyzmetindegi hattama» (2010), «Sheteldik memleketterdiń hattamalyq qyzmetin institýttandyrýdyń keibir aspektileri týraly» (2010) jáne t.b. jariialanymdardyń avtory.
1999 jyldan - Maindaǵy Frankfýrt qalasy QR Bas konsýldyǵynyń referenti, attashesi - GFR-daǵy QR Elshiligi ekonomikalyq bóliminiń úshinshi hatshysy (Berlin qalasy). 2002 jyldan - QR Prezidenti Ákimshiligi Júieli zertteýler ortalyǵynyń sarapshysy. 2003 jyldan - QR Prezidenti Hattamasynyń aqparat pen taldaý sektorynyń meńgerýshisi, 2004 jyldan - bas inspektory, 2006 jyldan - Hattama jetekshisi.
2009 jyldyń tamyz aiynan beri - QR Prezidenti Ákimshiligi jetekshisiniń orynbasary.
.2013 jyldyń 1 qańtar aiynan beri - «Nur Otan» partiiasy Tóraǵasynyń birinshi orynbasary.
QR Prezidentiniń halyqaralyq «Bolashaq» stipendiiasy stipendiattary qaýymdastyǵy keńesiniń (2008 jyldan); Qazaq gýmanitarlyq zań ýniversiteti Qamqorshylyq keńesiniń (2010 jyldan) tóraǵasy. S. D. Asfendiiarov atyndaǵy qazaq ulttyq meditsina ýniversiteti Qamqorshylyq keńesiniń (2010 jyldan) múshesi.
