Eshkim de, eshnárse de umytylmaidy
Jol jieginde ornalasqan dúkenderdiń kópshiligi shabýylǵa ushyrap, áinekteri shaǵylǵan. Olardyń birsypyrasy jumystaryn jalǵastyra bastady. Tonaýshylardyń sýyq qoldarynan saqtanǵandar mekemelerin qorǵaý úshin, esikteriniń aldyna barrikadalar ornatyp, óz betterinshe qorǵanǵan. Osy kórinisten-aq ótken túnderdiń qanshalyqty qiyn bolǵanyn ańǵarýǵa bolatyndai.
Osynyń saldarynan elimizde 225 adam qaza boldy. Tórt jarym myńǵa jýyq adam jaraqat aldy. Bul áli aldyn ala jariialanǵan derekter. Málimetter áli de naqtylanyp, ózgerýi múmkin. Azamattardyń birazy sodyrlardyń qolynan qaza tapsa, birsypyrasy qańǵyǵan oqtan qaitys bolǵan. Osy kúni bireýler ásker men politsiiany kinálai bastady. Bul shyndyqqa janaspaidy. Quqyq qorǵaýshylar bul kúnderi tek zańdylyqty ǵana qadaǵalady.
Bas prokýratýra málimetinshe, «qańtar oqiǵasyna qatysy bar» degen kúdikpen 672 adam ýaqytsha ustaý izoliatoryna jetkizilgen, 446-sy sot sanktsiiasymen qamaýǵa alynǵan. Júzge jýyq adam «ustaýǵa negiz bolmaǵandyqtan» bosatylǵan.
Qazirgi ýaqytta ońtústik astanadaǵy jaǵdai turaqtalyp, jergilikti turǵyndar kúndelikti kúibeń tirshilikke bet bura bastady. Alaida sol kúnderdiń salqyny áli de sanada saqtalyp turǵandai eles beredi.
