QR Ónerkásip jáne qurylys ministri Ersaiyn Naǵaspaev alǵashqy jumys sapary aiasynda «Qarmet» AQ iri metallýrgiialyq zaýytynda, sondai-aq Saran qalasyndaǵy birqatar ónerkásip kásiporyndarynda boldy, – dep habarlaidy Dalanews.kz.
Ministr búkil zaýytty keshendi jańǵyrtý boiynsha «9-5-5» investitsiialyq baǵdarlamasynyń oryndalý barysymen tanysty.
Bolat basqarmasynyń negizgi nysandaryna ekskýrsiia júrgizilip, aǵymdaǵy óndiristik kórsetkishter, montajdaý-jóndeý jumystary jáne zaýyttyń ainalasynda ShOB beldeýin qurýdy kózdeitin metallýrgiialyq klasterdi júzege asyrý josparlary týraly aqparat tyńdaldy.
Ministr «Qarmet» AQ jan-jaqty jańǵyrtý Memleket basshysynyń tapsyrmasyna sáikes júzege asyrylyp jatqanyn jáne Úkimettiń erekshe baqylaýynda ekenin atap ótti.
Investordyń aldynda ónerkásiptik jáne ekologiialyq qaýipsizdikti qamtamasyz etý, sondai-aq óndiris qýattylyǵyn arttyrý jáne tiisti sapadaǵy bolat ónimderiniń jańa túrlerin igerý boiynsha eleýli mindetter tur.
Ónerkásip jáne qurylys ministrligi bul baǵytta qajetti qoldaý kórsetedi.
2024 jyldyń sońynda «Qarmet» AQ-da shoiyn óndirisi 14%-ǵa, bolat óndirisi 18%-ǵa óskenin atap ótken jón.
2025 jyly 3,3 mln tonna shoiyn jáne 3,7 mln tonna bolat, tiisinshe 5% jáne 6% quraityn óndiristik ósimge qol jetkizý maqsaty qoiylǵan.
Ministr kásiporyn basshylyǵyna investitsiialyq baǵdarlamada kózdelgen barlyq júktelgen mindettemelerdi, onyń ishinde negizgi nysandar – Domna, Uzyn prokat jáne Tabaq prokat tsehtaryn jańǵyrtý boiynsha birqatar naqty tapsyrmalar berdi.
