Ernar Aidar: «Qurmetti lotereia oiynyna qatysyp, aldanyp qalǵan aǵaiyn»
Ánshi óziniń Instagram-yn júrgizbei, jańalyqtarymen bólisýdi toqtatqan. Utystan japa shekken adamdar bolmasa, bul jaǵdai ary qarai da jalǵasa bere me edi. Eldiń túkpir-túkpirindegi adamdar oryndaýshynyń aqshany qaitaryp berýin talap etkeni belgili.
Qazirgi ýaqytta tergeý júrip jatyr, Almaty qalasy boiynsha Ekonomikalyq tergeý departamenti Ernardyń ekinshi úiine ainalǵandai. Ártis zardap shekkenderdi sabyrlyq tanytyp, sot sheshimin kútýge shaqyrdy.
– Qurmetti lotereia oiynyna qatysyp aldanyp qalǵan aǵaiyn.
Men sizderdi jaqsy túsinemin, sizder maǵan senip lotoreia biletin satyp aldyńyzdar (ol úshin basymdy iip keshirim suraimyn), Dál sizderdei men de oiyn uiymdastyrýshylaryna senip aldanyp otyrmyn.
Alla bárin kórip tur ǵoi, osy oiynǵa qatysty mende tittei de bolsyn aram oi bolǵan emes, sol sebepti maǵan da túsinistikpen qaraýlaryńyzdy ótinip suraimyn, – depti.
Ánshi óz jazbasynda qazir Almaty qalasy boiynsha Ekonomikalyq tergeý departamentinde tergeý jumystary júrip jatqanyn, eshqaida qashypǵanyn, tergeýdiń aiaqtalýyn kútip júrgenin aitypty.
«Qurmetti aǵaiyn, sizder satyp alǵan bilettiń aqshasyna keler bolsaq, ol aqshanyń bir teńgesi de mende emes. Men tek jarnama jasadym: ol úshin qatty ókinemin, sizderden shyn júregimmen basymdy iip keshirim suraimyn
«Jarnama úshin alǵan aqshańdy halyqqa bermeisiń ba? Qairymdylyqqa kómektespeisińba? dep surap jatqan aǵaiynǵa aitarym. Dál osy jarnama jasap, alǵan aqshamnyń atynan men ózdigimshe eshteńe istei almaimyn, barlyǵyn zań sheshedi. Tergeý bitip, sot qalai sheshim qabyldaidy solai bolady. Zań júzinde jarnama úshin alǵan aqshańdy qaitar dese qaitarýǵa daiynmyn. Zań júzinde jarnama úshin alǵan aqsha ózińde qalady dep sheshim qabyldasa, onda Alla qalasa, Alla razylyǵy úshin men ol aqshany qairymdylyqqa jumsaýǵa da daiynmyn.
Aq qarasyn bilmei, maǵan qarǵys aityp, jaman sózder aityp jatqan aǵaiyn: «Júieli qarǵys júiesin tabady, júiesiz qarǵys iesin tabady». Iia men súrindim. Múmkin sizder adamzattyń eshqashan súrinbeitin túrinen shyǵarsyzdar! Mende óstip-óstip ómir súrýdi bir kúnderi úirenermin. Ýaqyt tóreshi. Men sizderge tek qana jaqsylyq tileimin! Tergeýdiń aiaqtalýyn kúteiik!», – dedi Ernar Aidar.
