Kievke barǵan qazaqstandyq belsendiler Ermek Narymbaev pen Móldir Adilova «otanymyzda saiasi quqyqtarymyz shekteldi» dep málimdedi.
Bul týraly Azattyq radiosy habarlap otyr.
Qazaqstandyq azamattyq belsendiler Ermek Narymbaev pen Móldir Adilova búgin Ýkraina astanasy Kiev qalasynda baspasóz máslihatyn ótkizdi. Baspasóz jiynyn júrgizip otyrǵan azamat, ózi de buǵan deiin Qazaqstannan Ýkrainaǵa ketip qalǵan qoǵamdyq belsendi Aidos Sadyqov olardy «tutqyndalý qaýpi týǵan soń otandarynan ketken adamdar» dep tanystyrdy.
[caption id="attachment_17576" align="alignright" width="987"]
«SAIaSI QUQYQTARYMYZ ShEKTELDI»
Ermek Narymbaev sáýir aiynan bastap Qazaqstannyń birneshe qalasynda jerge qatysty mitingiler ótken soń óziniń qýǵyn kóre bastaǵanyn mádimdedi. «Qorǵalý quqyǵy bar kýáger» statýsyn alyp, «kez-kelgen sátti aiyptalýshyǵa ainalý qaýpine ilikkenin» aitqan belsendi sońǵy kezderi únemi ańdýda bolǵanyn baiandady.
– Maǵan sot úkimi boiynsha shetelge ketýime tyiym salynǵan. Keibireýler oilaǵandai, bilikpen qandai da bir kelisimge kelgenimiz joq. Sońymyzdan ańdyǵan qaýipsizdik komitetiniń qyzmetkerleri aýysyp, sál qapersiz qalatyn demalys sátte qashyp shyqtyq. Kórshiles eldiń biriniń shekarasynan zańsyz óttik, – dedi ol.
Biyl aqpan aiynda úsh jylǵa shartty jazaǵa kesilgen Ermek Narymbaev Ýkrainaǵa qashý sebebin «Qazaqstanda munan ári ómir súrý múmkin bolmaǵanymen» túsindiredi.
– Qazaqstan konstitýtsiiasynda kepildik berilgen saiasi quqyqtarymdy talap etkenim úshin birneshe ret qylmystyq, ákimshilik jazaǵa tartyldym. Tipti jaqynda meni terrorister qataryna qosyp qoidy. Sóitip bankten ózime tiesili qarajatty alý múmkindiginen aiyrdy. Sot sheshimi boiynsha maǵan bes jylǵa deiin qoǵamdyq jumyspen shuǵyldanýǵa da tyiym salyndy, – deidi ol.
Ermek Narymbaevtyń Ýkrainaǵa ketýin Qazaqstandaǵy qoǵamdyq belsendiler men áleýmettik jeli qoldanýshylary túrlishe qabyldaǵan. Keibiri onyń bul sheshimin qoldamasa, keibiri «amalsyzdan jasalǵan qadam» dep esepteitinin bildirgen.
Saiasattanýshy Aidos Sarym Facebook jelisinde «emigratsiiaǵa adam májbúrlikten ketetinin, biraq onda ómir súrý de ońai emes ekenin» aitady. Ol «bul qadamnyń Ermek Narymbaev úshin saiasi, quqyqtyq saldary bolýy múmkin» ekenin aitady.
Anyqtama
Ermek Narymbaev 2000-2001 jyldary Qazaqstan prezidenti janyndaǵy strategiialyq zertteýler institýtynda jumys istegen.
Qazaq-ózbek shekarasyn demarkatsiialaýdan keiin Ózbekstanǵa beriletin Ońtústik Qazaqstan oblysyndaǵy Baǵys pen Túrkistan aýyldaryn qorǵaý jóninde jastar qoǵamdyq komitetin qurǵan. 2009 jyly «Arman» qozǵalysyn quryp, ipotekalyq nesie alýshylar quqyǵyn qorǵaýmen kózge túsken.
Narymbaev biyl qańtarda qylmystyq kodekstiń 174-babynyń 2-tarmaǵy boiynsha («áleýmettik, ulttyq alaýyzdyq týdyrý») aiyptalǵan. Ol taǵy bir belsendi Serikjan Mámbetalin ekeýi áleýmettik jelide avtory Murat Telibekov delinetin kitaptan úzindi keltirgeni úshin aiypty bolǵan.
Apelliatsiialyq sot Narymbaevtyń tergeý abaqtysynda ótkizgen ýaqytyn eskerip, onyń sot kesken jaza merzimin jeńildetip, úsh jylǵa bas bostandyǵyn shektegen.
