Ermegiiaevtyń oqqaǵary sómkelep aqsha tasyǵany ras pa?
«Saiat Nádirbaevty Ermegiiaevtar ózderi urlap, Almatydaǵy tanystarynyń páterinde ustap otyrypty», — dep habarlady KTK arnasy. Tergeý materialdarynda bul bylyqty jasyrǵandardyń telefon áńgimeleri jazylǵan taspa da bar bolyp shyqty.
Tergeý materialyna súiensek, EKSPO-nyń eks-tóraǵasy qazynanyń qyrýar qarjysyn myna úirenshikti syzba boiynsha qymqyryp kelgen. Bastapqyda halyqaralyq kórmeniń qurylysyna biýdjetten 15 milliard teńge bólingen eken. Talǵat Ermegiiaev bul somany jalǵan tenderler ótkizip, sybailas kompaniialarynyń shotyna aýdarypty. Sóitip, 10 milliard teńgeni talan-tarajǵa salǵan. Ózi kózge túspes úshin aqshany shottan sheship alýǵa senimdi adamy, ári oqqaǵary Saiat Nádirbaevty jumsaǵan.
Kýáger retinde jaýap berý sátinde oqqaǵar aqshany qaida jetkizgenin naqty aityp otyr. Tenderde biýdjettiń milliardtaryn utqan kásipkerlerdiń biri Ermegiiaevty renjitpegen eken. Sol sómke toly aqshany Nádirbaev basshysynyń Almatydaǵy kottedjine jetkizip otyrǵan.
Saiat Nádirbaev, Talǵat Ermegiiaevtyń oqqaǵary:
– Bir kúni Talǵat meiramhanadan shyqty da, «saǵan bir kisi habaralasady» dedi. Kóp uzamai maǵan Mars degen beitanys jigit qońyraý shaldy. Kelisip, kezdestik. Ol bolsa, «kóliktiń artqy oryndyǵynda jatqan paketti al. Ishinde 200 million teńge bar» dep, júre berdi. Osylai, Makspen birneshe ret jolyǵyp, býma-býma aqsha aldym. Túgel Talǵatqa ákelip berdim.
Bastyǵynyń bylyǵyn áshkerelep bergen soń tergeýshiler Saiat Nádirbaev bostandyqqa qoia beredi. Alaida, ol keiin jer jutqandai ushty-kúili joǵalǵan. Artynsha onyń áieli: «quzyrly organ qyzmetkerleri kúieýimdi qasaqana urlap ketti» dep aqparat quraldary arqyly shý shyǵarǵan bolatyn. Al Jemqorlyqqa qarsy ulttyq biýro munyń bárin ádeii uiymdastyryp júrgen Talǵat Ermegiiaevtyń ákesi, elge tanymal kásipker, az-kem bilikte bolǵan Amangeldi Ermegiiaev dep otyr. Iaǵni, úlken Ermegiiaevtiń jieni – sol basty kýágerdi Almatydaǵy tanysynyń úiinde jasyryp kelipti.
Biraq, qýlyqtary iske aspai qalǵan. Jeti aidan beri bas saýǵalap júrgen Nádirbaevty Ulttyq biýro qyzmetkerleri aqyry qolǵa túsirdi. Ermegiiaev oqqaǵaryn qyzǵyshtai qorǵap, tergeýshilerden jasyryp ustaýynyń sebebi bar. Óitkeni, Saiat Nádirbaev sońǵy 6 jyl boiy EKSPO-ǵa jetekshilik etken eks-tóraǵanyń únemi qasynda júrgen jáne búkil qylmysynyń kýágeri. Kezinde, arnaiy jasaqta qyzmet etipti. Al aqparat quraldaryn shýlatyp júrgen oqqaǵardyń kelinshegi naqty aiǵaqtarǵa qaramastan kúieýiniń jazyqsyz ekenine senimdi.
Aida Nádirbaeva, Saiat Nádirbaevtyń áieli:
– Ermegiiaevty ustaǵan kezde meniń kúieýim úide bolǵan. Jumys izdep júrdi. Jasyrynyp qalý degen onyń oiynda da bolmady. Ony politseiler 7 aidan beri taba almai, endi sotqa bir apta qalǵanda aiaq asty qolǵa túsirdi.
Tergeý málimetterine qaraǵanda, «Astana EKSPO – 2017» ulttyq kompaniiasynyń basshylyǵy osyndai túrli quityrqy jolmen memlekettiń milliardtaryn qaltalaryna basypty. Talǵat Ermegiiaev 4 milliardty tek para retinde alǵan dep aiyptalýda. Qazir ol Astanadaǵy penthaýsynda úiqamaqta otyr.
Al basshysyna sómkelep aqsha tasyǵan Saiat Nádirbaev qazir Almatyda qamaýda. Oqqaǵarǵa iri kólemde qarjy jymqyrdy degen aiyp taǵylǵan. Endi ol basqa sybailastarmen birge sot aldynda jaýap beredi. Eger Saiat Nádirbaev tergeý kezindegi aitqandarynan ainyp qalmasa, Talǵat Ermegiiaevtyń áli talai bylyǵy ashylýy múmkin.
Derekkózi: ult.kz
