ERLIK UMYTYLMAIDY
«Eýraziia álemi» pikir saiys klýbynda ótken basqosýda sarapshylar «Ekinshi dúniejúzilik soǵystyń nátijelerin qaita qaraýǵa qatysty týyndaityn táýekelder men tendentsiialar» atty taqyrypty talqyǵa salyp, oilaryn aitty.
Saiasattanýshy Edýard Poletaevtyń pikirinshe atalǵan taqyryp kún ótken saiyn ideologiialyq soǵystyń quralyna ainalyp barady. «Kóptegen tarihi oqiǵalarǵa saiasi baǵa berý jiilep ketti. Ony tym ózektendirip jiberdik. Anyǵy Uly Otan soǵysynyń nátijelerine jáne onyń mańyzyna kúdik keltirýge bolmaidy. Menińshe bul taraptaǵy talqylaýlardyń arty jaqsylyqqa ákelmeidi» dedi ol.
Saiasattanýshy Iýrii Bulyqtaevtyń pikirinshe, shynymen de keibireýler bul soǵysty burmalap kórsetkisi keledi. «Áleýmettik jelide eger Gitler bizdi basyp alar bolsa Eýropadaǵydai ómir súrer edik deidi. Bul da tapsyryspen jasalyp otyr. Búgingi urpaqtyń sanasynda soǵysqa qatystqan jaýyngerlerdiń erligin joqqa shyǵarý úshin...Munda AQSh aralasyp otyr dep oilaimyn. Sebebi, olar bul soǵysta ózderin jeńimpaz retinde kórsetkisi keledi» dedi ol.
Al jýrnalist Vladislav Iýritsynnyń aitýynsha, sońǵy kezderi sol kezgi soǵys simvolikalary ideologiialyq quralǵa ainalyp úlgerdi. «Aitalyq, «Ýkraina ultshyldary birlestigi» ÝUB belgisin taǵyp júr. Óz kezeginde Ýkrainanyń shyǵysyndaǵy separatister georgi lentalaryn qoldanýda. Iaǵni, soǵys jańǵyryǵy ólgen joq» deidi Iýritsyn.
Óz kezeginde bloger Qazbek Beisebaev bylai dedi: «Bul bizdiń soǵys emes deitinder bar. Ondailar kóbeiip keledi. Ásirese, jastar arasynda. Óz basym osy túsinikti joqqa shyǵarýǵa tyrysyp jatyrmyn. Jaqynda «Biz umytpaimyz, biz maqtan tutamyz» atty qazaqstandyq jaýyngerlerdiń málimetteri jinaqtalǵan kitapty jaryqqa shyǵardyq. Mundaǵy maqsat soǵysqa bizdiń de aralasqanymyzdy, odan bizdiń de shet qalmaǵanymyzdy kórsetý» dedi Beisebaev.
