Búgin Májilis spikeri, «AMANAT» partiiasynyń tóraǵasy Erlan Qoshanov «Jastar Rýhy» respýblikalyq jastar saiasi lageriniń jumysyna qatysty. Túrkistan oblysy Nysanbek aýylynda Qazaqstannyń túkpir-túkpirinen kelgen 420 delegat bas qosty, – dep habarlaidy Dalanews.kz.
Májilis spikeri, «AMANAT» partiiasynyń tóraǵasy Erlan Qoshanov jastar únemi jańa úrdisterdiń basy-qasynda júretinin jáne memleketimizdiń qozǵaýshy kúshi bola otyryp, Ádiletti Qazaqstannyń bolashaǵy sanalatynyn atap ótti.
– Osydan eki jyl buryn biz Zerendide jastar qanatynyń ataýyn ózgertý týraly sheshim qabyldaǵan edik. Sodan beri «Jastar Rýhy» qarqyndy jumys atqaryp keledi. Uiymnyń aty ǵana emes, zaty da ózgerdi. «Jastar Rýhy» elimizdegi jetekshi qozǵalysqa, jastardyń rýhyn kóteretin irgeli uiymǵa ainaldy. Memleket basshysy Qasym-Jomart Toqaevtyń Zerendi forýmyndaǵy beineúndeýinde jastardyń zaman talabyna sai damýy úshin úsh negizgi basymdyqty aiqyndap berdi. Ol – bilimge umtylys, eńbekqorlyq jáne patriotizm. Bul baǵyttar jastar qanatynyń aldaǵy damý jolynyń ózegine ainaldy, – dedi partiia tóraǵasy.
Májilis Spikeri búginde memleket jastardyń áleýmettik máselelerin sheshý baǵytynda aýqymdy jumys atqaryp jatqanyn atap ótti. Partiia jelisi boiynsha jastardy jumyspen qamtýǵa baǵyttalǵan «Jastarǵa jumys», qarjylyq saýattylyqty arttyrýdy kózdeitin «Qaryzsyz qoǵam», aýyl turǵyndaryna jeńildetilgen nesie berýge arnalǵan «Aýyl amanaty» jobalary júzege asyrylýda. Sonymen qatar qumar oiyn, nashaqorlyq, jurttyń qaryzǵa batýy syndy máseleler zańnamalyq deńgeide sheshilýde. Soǵan qaramastan, búginde jastar aldynda turǵan áli de kóptegen áleýmettik syn-qater bar. «Jastar Rýhynyń» missiiasy – jastardy ózekti máselelerdi sheshýge jumyldyrý jáne óskeleń urpaqty memlekettik jobalardy júzege asyrýǵa jan-jaqty tartý ekenine toqtaldy.
Sondai-aq partiia tóraǵasy «Jastar Rýhy» volonterlik qyzmetiniń tiimdiligine nazar aýdardy. Máselen, kóktemgi sý tasqyny kezeńinde «AMANAT» partiiasy janyndaǵy jastar qanatynyń belsendileri shynaiy patriotizm men azamattyq jaýapkershiliktiń úlgisine ainaldy. Olar «Adal azamat» tujyrymdamasyna sai keletin qasietterdi is júzinde kórsete bildi.
Forým barysynda is-sharaǵa qatysýshylar jastardy saiasi jáne áleýmettik jumystarǵa tartý jóninde birqatar bastama kóterdi. Iaǵni, kúrdeli saiasi protsesterdi túsinýge jáne jalǵan aqparattarmen tiimdi kúresýge qabiletti jas saiasatkerler pýlyn qurý, ásirese, aýyldyq jerlerde kreativti indýstriiany damytý, volonterlerdi qoldaý júiesin engizý, onyń ishinde oqýǵa túsý nemese jumysqa ornalasý kezinde artyqshylyq berý.
Jas kóshbasshylar Prezidenttiń «Taza Qazaqstan» jalpyulttyq bastamasy sheńberinde ótip jatqan «Taza beisenbi» partiialyq aktsiiasynyń aiasyn keńeitýdi usyndy. Atap aitqanda, buryn sý tasqynynan qorǵaný úshin bógetter turǵyzylǵan ózender men sý aidyndarynyń arnalaryn tazartý jumysyn bastaý, qorshaǵan ortany qorǵaýdyń mańyzy týraly túsindirý jumystaryn júrgizý, qoǵamdyq oryndarda qoqys suryptaýǵa arnalǵan avtomattar ornatý, sondai-aq keler jyly da «Taza beisenbi» aktsiiasyn jalǵastyrý.
Is-sharaǵa qatysýshylar Qazaqstanda AES salý máselesin jeke talqylady. «Jastar Rýhynyń» belsendileri men músheleri bul bastamanyń mańyzyn atap ótip, AES qurylysyna qoldaý bildirdi.
Óz sózinde ǵalym Nurhat Jákiev Qazaqstandaǵy energiianyń 80%-ǵa jýyǵy búginde kómir arqyly óndiriletinine jáne atom energiiasyn paidalaný osy jaǵdaidan shyǵýdyń eń tiimdi joly ekenine nazar aýdardy.
– Qazir álem ózgerip jatyr. Biz jasandy intellekt, 6G internet, elektromobil, drondar, biotehnologiia, kvanttyq kompiýter sekildi kiberǵylym dáýirinde ómir súrip jatyrmyz. Bunyń bári nemen jumys jasaidy? Árine, energiia kózderinen qýat alady. Sondyqtan da, bilektiń zamanynda myqty bolǵan biz bilimniń zamanynda artta qalmaý úshin ǵylymnyń kúshine súienip ekologiialyq turǵydan tiimdi energiianyń jolyn tabýymyz kerek. AES qurylysy aldaǵy 100 jylda elimizdegi elektr qýaty tapshylyǵy máselesin sheshedi, jańa jumys oryndary ashylady, – dedi ol.
Óz kezeginde, «Jastar Rýhy» jastar qanaty Mańǵystaý oblystyq filialynyń tóraǵasy Abzal Marat óńirdi jylýmen, tushy sýmen jáne elektr energiiasymen qamtamasyz etip kele jatqan Mańǵystaý atom energetika kombinaty 56 jyldan beri jumys istep turǵanyna nazar aýdardy. Onyń aitýynsha, búkil álem, sonyń ishinde Qazaqstan birtindep elektromobilderge kóshýde, bul da turaqty energiia kóziniń bolýyn talap etedi.
Al jas ǵalym, H.Dosmuhamedov atyndaǵy Atyraý ýniversitetiniń prorektory Ashat Shúkirov búginde atom elektr stantsiialaryn paidalanatyn álemniń 32 eline dúniejúzilik ekonomikanyń jáne álem halqynyń teń jartysy tiesili ekenin atap ótti. Buǵan qosa, álemdegi eksporttyq taýarlardyń 70%-yn osy elder óndiredi. Onyń aitýynsha, Qazaqstan jahandyq damýdan shet qalmaýǵa tiis. Ol úshin bizge energiia berip qana qoimai, otandyq ǵylym men tehnologiiany jańa deńgeige kóteretin AES qajet.
Májilis tóraǵasy jas belsendilerdiń pikirine qoldaý bildirdi. Ol AES tóńireginde júrip jatqan aýqymdy pikirtalasqa jastar belsendi qatysyp, ózderiniń azamattyq ustanymdaryn batyl bildirýi kerek ekenin atap ótti.
– Prezidentimiz aitqandai, elimiz úshin eń mańyzdy sheshimder tek halyqtyń pikirin eskere otyryp qabyldanady. Bul – Memleket basshysynyń basty ustanymy. Demek AES salý máselesinde negizgi sheshimdi halyq qabyldaidy. Atom energetikasy ne úshin qajet? Bizdiń bolashaǵymyz úshin qajet. Memleketimizdiń básekege qabiletin arttyrý úshin qajet. AES – ǵylym men tehnologiiany damytý úshin qajet. Túptep kelgende el táýelsizdigin nyǵaitý, ekonomikasyn ornyqty damytý úshin qajet, – dedi Erlan Qoshanov.
«AMANAT» partiiasynyń baspasóz qyzmeti
