Depýtattar 2023-2027 jyldarǵa arnalǵan «Halyqpen birge!» sailaýaldy baǵdarlamasyn oryndaý jónindegi Jol kartasyn bekitti.
Jiyndy ashqan Erlan Qoshanov partiianyń barlyq sailaýaldy mindettemesi adamdardyń ómir súrý sapasyn jaqsartýǵa jáne olardyń naqty áleýmettik máselelerin sheshýge baǵyttalǵanyn atap ótti.
«Biyl alǵash ret Prezidentke Premer-ministrdiń kandidatýrasyn «AMANAT» usyndy jáne qazir partiia men Úkimet halyq pen Memleket basshysynyń aldynda jaýapkershiligi ortaq. Aldaǵy úsh jyldyń biýdjeti erekshe. Ol Prezidenttiń sailaýaldy baǵdarlamasy men partiianyń elektoraldy ýádelerin eskere otyryp jasaldy. Adamdar osy qujattardyń ár tarmaǵynyń oryndalýyn kútip otyr. Depýtattarmen birge árbir ministr men ákim osy jumys úshin derbes saiasi jaýapty bolady», - dedi Erlan Qoshanov.
Budan soń kún tártibi boiynsha Premer-ministrdiń orynbasary – Qarjy ministri Erulan Jamaýbaev sóz aldy. Ol ázirlengen Jol kartasy azamattardyń ál-aýqatyn arttyrýǵa jáne ishki óndiristi damytýǵa baǵyttalǵan 10 mindet boiynsha 205 is-sharadan turatynyna toqtaldy.
«Sapaly turǵyn úige qoljetimdilikti arttyrý maqsatynda barlyq qarjylandyrý kózi esebinen 78 mln. sharshy metrden astam jańa turǵyn úi qurylysy qamtamasyz etiledi. 30 myńǵa jýyq apatty jáne tozyǵy jetken turǵyn úi ieleri jańa baspanaǵa kóshýge múmkindik alady.
2027 jylǵa qarai mektepke deiingi uiymdarda 300 myń jańa oryn ashylyp, 2 jastan 6 jasqa deiingi (ótinish bergender sanynan) balalardy mektepke deiingi tárbiemen jáne oqytýmen qamtý 99%-ke deiin ulǵaiady. Aldaǵy jyldary jańadan 1,5 mln. oqýshy orny ashylyp, shaǵyn qalalarda, aýdan ortalyqtary men aýyldarda 3 myń mektep jańǵyrtylady. Sondai-aq, 50 balalar saýyqtyrý lagerin qurý josparlanýda», - dedi E.Jamaýbaev.
Óz kezeginde fraktsiia jetekshisi «AMANAT» partiiasynyń Atqarýshy hatshysy Elnur Beisenbaev partiianyń sailaýaldy ýádelerin júzege asyrý úshin qajet qarajattyń bári qarastyrylǵanyn málimdedi. Ol sondai-aq partiianyń óńirlik Jol kartalaryn júzege asyrý boiynsha birqatar mysal keltirdi. Atap aitqanda, 2027 jylǵa qarai Aqmola oblysynyń Tselinograd aýdanynda aýdandyq ortalyq aýrýhana salynady.
2024 jyly Jezqazǵan qalasynda insýlt ortalyǵy ashylady, Almaty oblysynda taiaý bes jylda 63 mektep salynady, al Mańǵystaý oblysynda 2027 jylǵa qarai aýyz sý tapshylyǵy problemasyn sheshý úshin 6 tuzdan tazartý zaýyty salynady.
Jiyndy qorytyndylai kele, «AMANAT» Tóraǵasy Erlan Qoshanov partiianyń jol kartalary naqty oryndalý indikatorlary bar keshendi jospar ekenin atap ótti.
«Bul qujatta barlyq áleýmettik toptyń múddeleri eskerilgen jáne ol ár óńirdi, ár aýdan men aýyldy qamtidy. Májilistegi jáne barlyq deńgeidegi máslihattardaǵy partiiamyzdyń depýtattary Jol kartalarynyń júzege asyrylýyna, onyń ishinde qarjylandyrýǵa qatysty turaqty baqylaý júrgizýge tiis. Sailaý aldynda halyqqa bergen ýádelerdiń oryndalýy tek bizge bailanysty»,- dep basa aitty partiia Tóraǵasy.
Erlan Qoshanov sońǵy sailaý naýqany barysynda partiiaǵa azamattardan 40 myńǵa jýyq talap-tilek kelip túskenin eske saldy. Sailaýshylar daýys bergen «Halyqpen birge!» Sailaýaldy baǵdarlamasynyń negizi de – naq osy azamattardan kelgen ótinishter. Ol depýtattardy belsendi bolýǵa jáne partiia qabyldaǵan mindettemelerdi iske asyrýǵa jan-jaqty atsalysýǵa shaqyrdy.
«Aýylda jumys isteitin jas dárigerlerge 10 million teńge kóleminde kóterme járdemaqy berý – bizdiń sailaýaldy ýádelerimizdiń biri. Bul bastama barlyq óńirde qoldaý tapty. Bul meditsina mamandarynyń tapshylyǵy máselesin túbegeili sheshýge múmkindik beredi. Osy ýádeni tezirek iske asyrý úshin depýtattar ministrliktermen birge airyqsha baqylaýǵa alyp, isti sońyna deiin jetkizý kerek», - dedi ol.
Fraktsiia jiynynyń qorytyndysynda Erlan Qoshanov depýtattyq korpýstyń jumysyn kúsheitýge qatysty birqatar naqty tapsyrma berdi. Atap aitqanda, sailaýaldy ýádelerdiń oryndalýyn baqylaý úshin árbir amanattyq depýtatqa Jol kartasynyń birqatar tarmaǵy bekitiledi. Júieli monitoring júrgizý úshin partiia men Úkimettiń birlesken shtaby qurylyp, ol turaqty túrde jinalyp turady. Sonymen qatar, fraktsiia jylyna bir ret Úkimettiń Jol kartasyn júzege asyrý týraly esebin tyńdaidy.
«AMANAT» partiiasynyń Baspasóz qyzmeti
Foto Áli Ǵalym
