Memlekettik keńesshi Erlan Qarin «Qazaqstan» telearnasynyń «Bas taqyryp» baǵdarlamasyna bergen suhbatynda elimizdegi onomastika salasyndaǵy máselelerdiń búgingi betalysyna toqtalyp, osy baǵyttaǵy bolashaq is-sharalar jaiynda óz oiymen bólisti, - dep jazady Dalanews.kz.
Erlan Qarinniń aitýynsha, onomastika salasyndaǵy sheshimderdi aimaqtar osy kúnge deiin óz betinshe qabyldap kelgen. Bul keide jergilikti deńgeidegi birjaqty sheshimderge ákelip, tulǵalar men tarihi ataýlardyń ádiletsiz dáriptelýine sebep bolǵan.
Sondyqtan qazirgi basty baǵyt – onomastika máselesin ortalyqtandyrý. Bul aimaqtardan quzyretti tolyq tartyp alý emes, kerisinshe, máselelerdi júieli ári úilesimdi túrde sheshýge múmkindik berý. Budan bylai aimaqtar óz usynystaryn ortalyqpen, ministrlikpen jáne Prezident ákimshiligimen aqyldasa otyryp júzege asyrady.
Usynystardy qarastyrý kezinde basymdyq jańadan qosylyp jatqan eldimekender men kóshelerge beriledi. Sonymen qatar, tarihi tulǵalardyń attaryn teń dárejede dáripteý maqsat etilip otyr:
«Uly Abai tek Shyǵys óńirdiń tulǵasy bolmaýy kerek, Áliia Moldaǵulova tek Batys óńiriniń tulǵasy bolyp qalyptaspaýy kerek. Qazirgi talap boiynsha, ataýlardy tańdaýda adam esimderine shekten tys basymdyq berilmei, jer-sý, ulttyq qundylyqtardy beineleitin ataýlarǵa erekshe nazar aýdarylady. Mysaly, kóshelerdiń 10 paiyzyna ǵana belgili tulǵalardyń esimderi beriledi, qalǵandaryna «Yntymaq», «Táýelsizdik», «Beibitshilik» siiaqty jalpyulttyq birlikti bildiretin shartty ataýlar berilýi usynylady», - dedi Erlan Qarin osy tusta.
Onomastika men eskertkishter ulttyń rýhani kody men tarihi sanasyn qalyptastyratyn basty qural.
Buǵan deiin Dalanews-ke pikir bildirgen sarapshylar, bilik onomastika salasyn ortalyqtandyrý arqyly salada ádilettilik pen júielilikke qol jetkizýdi maqsat tutatynyn aitqan. Utymdy sheshimder men úilesimdi qadamdar ǵana tarihi muralarymyzdy keler urpaqqa laiyqty jetkizýdiń kepili bolmaq.
