Memlekettik keńesshi Erlan Qarin ál-Farabi atyndaǵy Qazaq ulttyq ýniversitetiniń qurylǵanyna 90 jyl tolýyna orai ótken saltanatty jiynǵa qatysty, - dep habarlaidy Dalanews.kz.
Memlekettik keńesshi biregei bilim ordasynyń tarihi mańyzyna, Prezidenttiń bastamasymen qolǵa alynǵan ilkimdi isterge toqtaldy.
"Memleket basshysy Qasym-Jomart Kemelulynyń bastamasymen elde aýqymdy jáne tereń ózgerister júrip jatyr. 2029 jylǵa deiin infraqurylym júiesin jańartýǵa qatysty keshendi jospar qabyldandy. Tek biyldyń ózinde 6 myń shaqyrymnan astam injenerlik-kommýnikatsiia jelisi jóndeldi jáne 12 myń shaqyrym jol jóndeýden ótip, salynyp jatyr. 3 áýejaidyń jańa terminaly iske qosyldy", - deidi Erlan Qarin.
Memlekettik keńesshi biyl 100-den astam mektep salyndy, sonyń ishinde 53 jaily mektep baryn atap ótti.
"Sońǵy on jylda rekordtyq astyq jinaldy. 18 million sharshy metr turǵyn úi paidalanýǵa berildi. Sondai-aq, biyl jalpy quny 1,27 trillion teńge bolatyn 169 kásiporyn iske qosyldy. 14 myńǵa jýyq jumys orny ashyldy. Munyń bári – Memleket basshysynyń bastamasymen jasalyp jatqan josparly, júieli jumystyń nátijesi", – dedi Memlekettik keńesshi.
