Almatyda Muǵalimder kúnine arnalǵan saltanatty is-shara ótti. Kásibi merekeni atap ótýge pedagogikalyq eńbek ardagerleri, muǵalimder jáne ustazdar áýletterdiń ókilderi jinaldy, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Respýblika saraiynda ótken saltanatty jiynda Almaty ákimi Erbolat Dosaev ustazdar qaýymyn quttyqtap, jas urpaqty tárbieleýge qosqan úlesi men eńbegi úshin rizashylyǵyn bildirdi. BúgindeAlmatyda 24,1 myń pedagog jumys isteidi, onyń 20 725-i memlekettik mektepterde, 3 375-i jeke menshik mektepterde.
– Sizderdiń kúndelikti jumystaryńyz tańǵajaiyp tabystar men shabytqa toly oqiǵalardan turatyny anyq. Sizder balalarymyzdyń áleýetin ashyp, bilim men múmkindikter álemine esik ashasyzdar. Osy tamasha kúni sizderdiń bolashaq urpaqqa degen shynaiy qamqorlyqtaryńyz úshin alǵys aitqym keledi. Shákirtterińizdiń jetistikterinen qýana kórip, denderińizge saýlyq, isterińizge sáttilik tileimin! – dedi Erbolat Dosaev.
Qala basshysynyń aitýynsha, ákimdik muǵalim mártebesin arttyrýǵa baǵyttalǵan bastamalardy qoldaý jáne damytý jumystary jalǵastyrýda. 2022 jyly bastalǵan biliktilikti arttyrý baǵdarlamasy aiasynda biyl 440 pedagog oqýdan ótedi. Jyl sońyna deiin 40 basshy men ádisker Malaiziia, Qytai, Germaniia jáne Polshadaǵy jetekshi bilim berý uiymdarynda taǵylymdamadan ótedi.
Sondai-aq «Almaty mektepteri» baǵdarlamasy aiasynda 70 muǵalim Marshall Cavendish sertifikattalǵan baǵdarlamalary boiynsha bilim alýda, bul baǵdarlamalar fýnktsionaldyq saýattylyqty, tsifrlyq quzirettilikter men daǵdylardy qalyptastyrýǵa baǵyttalǵan.
Inkliýzivti bilim berýdi damytýǵa erekshe kóńil bólinýde, biyl 300 pedagog biliktiligin arttyrǵan. Aldaǵy ýaqytta taǵy 50 muǵalim Ońtústik Koreiada halyqaralyq taǵylymdamadan ótedi dep kútilýde.
Is-shara barysynda qala basshysy «Almaty ustazy» baiqaýynyń jeńimpazdaryn marapattady. Baiqaýǵa 2 myń adam qatysqan, bul rekordtyq kórsetkish.
Jeńimpazdar qatarynda 7 pedagog bar. Olar №173 mektep-litseidiń tarih páni muǵalimi Ernur Beisembaev, №140 mektep-gimnaziianyń informatika páni muǵalimi Erkenaz Baimurat, №92 mamandandyrylǵan litseidiń himiia páni muǵalimi Sýnnatýlla Qaýymbaev, №178 mamandandyrylǵan litseidiń biologiia páni muǵalimi Aidana Aidarova, №159 gimnaziianyń matematika páni muǵalimi Ázizhan Ómiralhanov, №70 orta mekteptiń orys tili men ádebieti pániniń muǵalimi Anastasiia Blagodatskaia jáne №12 mamandandyrylǵan mekteptiń qazaq tili men ádebieti páni muǵalimi Dýlat Sultanbek.
Jeńimpazdar sheteldik taǵylymdamadan ótýge sertifikat aldy. Sonymen qatar, Bas júlde iegeri Ernur Beisembaev 5 million teńge kóleminde sertifikatpen marapattaldy.
Is-shara barysynda «Úzdik bilim berý uiymy» baiqaýynyń nátijesi de jariialandy. Almaly aýdanyndaǵy №15 gimnaziia eń joǵary upai jinady. Almaty ákimi mektep direktoryna oqý úderisiniń materialdyq-tehnikalyq bazasy men ǵylymi-ádistemelik qamtylýyn jaqsartý úshin 68 million teńge kóleminde grant tabystady.
Buǵan qosa, 15 pedagog-ardager túrli nagradaǵa ie boldy: 5 adam «Bilim berý isiniń ardageri» medalimen, 5 pedagog «Y. Altynsarin» tósbelgisimen, taǵy 5 adam «Qazaqstan Respýblikasy bilim berý isiniń qurmetti qyzmetkeri» tósbelgisimen marapattaldy. Taǵy 9 adam bilim berýdi damytýǵa qosqan úlesi úshin Almaty ákimi atynan alǵys hat aldy.
Merekelik atmosfera opera sahnasynyń juldyzdary men tanymal estrada artisteriniń qoiylymdarymen ajarlana tústi. Qazaqstannyń eńbek sińirgen artisi Shahimardan Ábilov «Tolyq adam, oi tolǵaý, hakim Abai» monooperasynan úzindi oryndady. Sondai-aq, tanymal estrada ánshileri Balýan Berkenov, Asqar Kúlsháripov, Anjela men Evgenii Shagarov dýeti, Áigerim Sháripbek, Aiajan Qýanshalieva, B. Baiqadamov atyndaǵy memlekettik hor kapellasy, «Rise» shoý-baleti jáne «Mezzo» vokaldyq toby óner kórsetti.
