Sapar aıasynda Premer-Mınıstrdiń orynbasary Eraly Toǵjanov emhana bólimshelerin, sonyń ishinde ońaltý ortalyǵy men kúndizgi stasıonardy qarap shyqty. Tekserý barysynda emhanalardaǵy medısınalyq kómektiń sapasy men qoljetimdiligi máseleleri talqylandy, halyq arasynda aýrýlardyń aldyn alýǵa erekshe nazar aýdaryldy. Eraly Toǵjanov MSAK-tyń densaýlyq saqtaýdy damytýdaǵy jáne halyqtyń densaýlyǵyn saqtaýdaǵy mańyzdylyǵyn atap ótti.
– Biz stasıonarlyq kómekke jumsalatyn orasan zor shyǵystardy kóterýden góri, aýrýlardyń aldyn alý men profılaktıkasyna jumys isteýge tıispiz, bul kesh anyqtaý men dıagnostıkanyń saldarynan tıimsiz bolýy múmkin. Sondyqtan biz ambýlatorıalyq-emhanalyq qyzmetti nyǵaıtýǵa basa nazar aýdarýǵa tıispiz jáne osy baǵyt boıynsha joǵary standarttardy bizge ýnıversıtet bar Almaty qalasyn, is júzinde barlyq respýblıkalyq ortalyqtar men tıisinshe eldiń úzdik kadrlary shoǵyrlandyrýy tıis, – dep atap ótti Eraly Toǵjanov.
Premer-Mınıstrdiń orynbasary halyqqa kórsetiletin medısınalyq qyzmetterdiń sapasy men qoljetimdiligin odan ári arttyrý, «Deni saý ult» Ulttyq jobasy baǵytynda kórinis tapqan aýrýlardyń aldyn alýdy kúsheıtý jóninde usynystar daıyndaý jóninde birqatar tapsyrmalar berdi.
№ 7 Qalalyq emhana alǵashqy medısınalyq-sanıtarıalyq, konsýltasıalyq-dıagnostıkalyq, onyń ishinde bekitilgen eresekter men balalarǵa mamandandyrylǵan kómek kórsetetin aralas úlgidegi emhana bolyp tabylady. Tirkelgen halyq sany – 51000 adam, onyń ishinde 29865 (60%) stýdentter.
Aıta keteıik, emhana qyzmetkerleri qańtar aıyndaǵy oqıǵalar kezinde ózderiniń kásibı boryshtaryn oryndaýǵa belsendi qatysyp, zardap shekkenderge kómek kórsetti. Osyǵan baılanysty Eraly Toǵjanov elimiz úshin qıyn sátte emhananyń medısına qyzmetkerleriniń jumysyn erekshe atap ótip, olarǵa alǵysyn bildirdi.
