Energetika ministrligi investorǵa jobany maquldaý merzimin keshiktirgen, dep habarlaidy Dalanews.kz.
“Bas prokýratýra men “Kazakh Invest” UK AQ (jedel top) birlesken jumysy aiasynda Batys Qazaqstan oblysynda metanol óndirý boiynsha gaz-himiialyq keshen qurylysy jobasyn júzege asyrýshy otandyq investordyń máselesi anyqtaldy. Energetika ministrligi zań talaptaryn buza otyryp (15 jumys kúniniń ornyna) investitsiialyq kelisim jobasy boiynsha kelissózder júrgizý jónindegi komissiia qurýdy 60 kúnge keshiktirdi”, – delingen Bas prokýratýra taratqan habarlamada.
Prokýratýranyń qadaǵalaý aktisi boiynsha buzýshylyqtar úshin Energetika ministrligi departamentiniń direktory tártiptik jaýapkershilikke tartyldy.
Jaýapkershilikke tartylǵan direktordyń aty-jóni men zań buzýshylyqqa jol bergen bólimniń aty-jóni habarlanbaidy.
Prokýrorlar elimizdiń investitsiialyq tartymdylyǵyn arttyrýǵa jáne investorlardyń quqyqtary men zańdy múddelerin qorǵaýdy qamtamasyz etýge baǵyttalǵany atalyp ótken. Búgingi tańda prokýrorlar investorlardyń 218 problemalyq isin sheshti.
