Endi Qazaqstanda dúkender men saýda nysandarynyń jaldaý aqysyn jylyna bir ret qana kóterýge ruqsat etiledi, dep habarlaidy Dalanews.kz.
Saýda jáne integratsiia ministri Arman Shaqqalievtiń aitýynsha, mundai ereje qazir iri saýda ortalyqtary men bazarlarda qoldanylyp júr. Endi ol barlyq saýda oryndaryna engizilmek.
Buǵan deiin ministrlik áleýmettik mańyzy bar azyq-túlikke saýda ústemesin baqylaýdy kúsheitken edi.
Úkimettiń málimetinshe, qazir Qazaqstandaǵy óndiris kólemi ishki naryqty tolyq qamtamasyz etip otyr.
Eske salaiyq, Caýda jáne integratsiia ministri Arman Shaqqaliev 2025 jylǵy 23 qyrkúiekte Úkimet otyrysynda azyq-túlik baǵasyn turaqtandyrý úshin atqarylyp jatqan sharalar týraly baiandaǵan edi.
Ministrdiń aitýynsha, kókónis toby boiynsha tamyz aiynyń basynan beri baǵanyń ósý qarqyny orta eseppen 2,5 esege tómendetilgen. Bul, ásirese, kartop, sábiz jáne piiazǵa qatysty.
"Sút ónimderi toby jyl basynan beri shamaly qymbattady, orta eseppen 5,7%. Qymbattaý ózindik qunnyń ósýimen bailanysty. Tuz, jumyrtqa, kartop jáne kúnbaǵys maiyna otandyq óndirýshilermen jyl sońyna deiin baǵany bekitý jóninde memorandýmdarǵa qol qoiyldy. Al makaron, un jáne kúrishte teris indeks baiqalady", – dedi Arman Shaqqaliev.
Onyń sózinshe, baǵa indeksiniń ósýine negizgi úlesti siyr eti qosqan.
"Sońǵy birneshe jylda tarifterdiń jyl saiynǵy ósýine qaramastan, siyr etiniń baǵasy tejelip keldi. Sonyń nátijesinde onyń quny eń qoljetimdi ári kórshiles elderde suranys joǵary bolǵandyqtan eksportqa tartymdy bolyp otyr", – dep túsindirdi ministr.
Aita keteiik, ishki naryqty tolyqtyrý maqsatynda 15 mamyrdan bastap tiri maldy áketýge tyiym salynǵan. Sondai-aq etti áketýge veterinarlyq baqylaýdy kúsheitý jáne siyr etin eksporttaýdy tek et óńdeý kásiporyndaryna kvotalaý usynystary qoldaý tapty.
"Buǵan qosa, siyr eti boiynsha saýda jelilerimen kelisimge qol jetkizildi. Soǵan sáikes, fermerlerden etti tikelei saýda oryndaryna jetkizý qamtamasyz etiledi. Ishki naryqty qamtamasyz etýge qajetti kólemdi Aýyl sharýashylyǵy ministrligi oryndap beredi. Baqylaý sharalary men deldaldyq shemalardy tergeý jónindegi komissiia jumysy aiasynda ónimsiz deldaldar anyqtalyp, joiylyp jatyr", – dep sendirdi Saýda ministri.
