14 aqpanda elimizde Koýchıng qyzmetiniń kásibı standarty resmı túrde kúshine endi, dep habarlaıdy Dalanews.kz.
Endi bul jaı ǵana sán nemese BIO-daǵy ádemi sóz emes, memleket retteıtin mamandyq. Bul týraly májilis depýtaty Ashat Aımaǵambetov aıtty.
Eń bastysy- endi koýchtarda bilimi men biliktilikti rastaıtyn arnaıy qujattary bolýy qajet, basqa da talaptar bar.
Eske salaıyq, Qazaqstanda koých-trenerlerdiń biryńǵaı ulttyq tizilimi qurylady. Bul týraly premer-mınıstr Oljas Bektenov depýtattyq saýalǵa bergen jaýabynda málimdegen edi.
Reestr career.enbek.kz platformasy bazasynda kásibı standart negizinde jasalady. Úkimet koýchıng pen psıhologıalyq qyzmetterdi lısenzıalaýdy qarastyratyn jeke zań qabyldaýdy josparlamaǵan. Onyń ornyna halyqaralyq tájirıbede keń taraǵan “kásibı standarttar men ózin-ózi retteý júıesi” engiziledi.
Mınıstrler kabınetiniń málimetinshe, AQSH, Eýroodaq, Japonıa jáne Reseıde koýchterdiń qyzmeti memlekettik lısenzıamen emes, salalyq asosıasıalar júrgizetin kásibı sertıfıkattaý arqyly retteledi.
