Qazaqstanda pedofilderge himiialyq kastratsiia jazasyn bosatylýyna alty ai qalǵanda qoldanatyn boldy, dep habarlaidy Dalanews.kz.
Kámeletke tolmaǵandarǵa qatysty jynystyq sipattaǵy qylmys jasaǵandarǵa himiialyq kastratsiiany jazasyn óteý merzimi aiaqtalýǵa alty ai qalǵanda júrgizý kózdelip otyr. Bul týraly Densaýlyq saqtaý ministrliginiń buiryǵynda jazylǵan.
«Kámeletke tolmaǵandardyń jynystyq tiispeýshiligine qarsy qylmys jasaǵan jáne bas bostandyǵynan aiyrylǵan adamdarǵa himiialyq kastratsiia bosatylýǵa alty ai qalǵanda qoldanylady. Osyǵan bailanysty, mekeme ákimshiligi jazany óteý merzimi aiaqtalǵanǵa deiin 12 aidan keshiktirmei sotqa materialdardy joldaidy. Bul materialdar sottyq-psihiatriialyq saraptama taǵaiyndaý jáne sottalýshyda psihikalyq aýytqýlar men jynystyq zorlyqqa beiimdiliktiń bar-joǵyn anyqtaý maqsatynda jiberiledi. Osy tarmaqtyń erejeleri sot sheshimimen májbúrli meditsinalyq shara qoldanylǵan jáne esi durys dep tanylǵan psihikalyq aýytqýy bar sottalǵandarǵa taralmaidy», - delingen ministrlik buiryǵynda.
Atalǵan buiryq 1 qazanda qabyldanyp, alǵashqy resmi jariialanǵan kúnnen keiin 10 kúntizbelik kún ótken soń kúshine enedi.
