Qazaqstan kásiporyndarynda meditsinalyq kýálandyrý kabinetterin ashý josparlanyp otyr, dep habarlaidy Dalanews.kz.
Úkimet ásirese shalǵaidaǵy óndiris oryndarynda jumys isteitin qyzmetkerlerdiń mas kúide emestigin tekserýdi tikelei jumys ornynda júrgizý jolyn qarastyrýda. Osy bastama aiasyndaǵy pilottyq joba Mańǵystaý oblysynda Kalamkas-Khazar Operating kompaniiasynyń bazasynda iske qosylmaq.
Premer-ministr Oljas Bektenovtiń aitýynsha, mundai tekserýlerdiń nátijesi biryńǵai elektrondyq júiede (ESMO) tirkeledi jáne oǵan keiin ózgeris engizý múmkin bolmaidy. Al senatorlardyń jeke zerthanalardy tartý týraly usynysy ázirge qabyldanǵan joq. Sebebi olar bul júiege qosylmaǵan ári alynǵan synamalardyń durystyǵyna zań júzinde jaýap bermeidi.
