"Endi bul ispen ainalyspaimyn". Tanymal bloger bostandyqqa shyqty
Bul týraly blogerdiń ózi álemjelidegi paraqshasynda jazdy.
«Otyrar» telearnasynyń tilshisine bergen suhbatynda Rýslan Janpeiisov endi qoǵamdyq jumystan, onyń ishinde joldaǵy zańbuzýshylyqpen qarsy kúresti tolyǵymen toqtatatynyn jetkizdi.
«Men bostandyqqa shyqtym. Endi sportpen ainalysyp, óz kásibimdi dóńgeletip, otbasyma kóbirek ýaqyt bólemin. Qoǵamdyq jumyspen ainalysýdyń mánin kórip turǵanym joq. Endi ainalyspaimyn», – deidi ol.
Eske sala keteiik, ótken jyldyń 30 shildesi kúni Shymkent qalalyq soty Rýslan Janpeiisovti «Densaýlyqqa aýyrlyǵy ortasha dene jaraqatyn keltirý» jáne «Bilik ókilin qorlady» degen aiyppen bir jylǵa bas bostandyǵynan aiyrǵan bolatyn.
Úkimge sáikes, Janpeiisov jazasyn qonystandyrý koloniiasynda ótedi. Raiymbekov qylmystyq jazaǵa tartylǵanan keiin de onyń áleýmettik jelidegi paraqshasy belsendi boldy. Ony áriptesi júrgizip otyrǵan.
Rýslan Janpeiisov jazasyn ótep jatqan ýaqytta onyń týystary men dostary jazany jeńildetý jáne ony shartty merzimge aýystyrý týraly birneshe ret ótinish bildirgen bolatyn. Alaida, bul ótinishter qanaǵattandyrylmady.
