- Ózderińizge belgili, Memleket basshysy BUU Bas Assambleiasynyń 75-shi sessiiasynda volonterlerdi jumyldyrýdyń halyqaralyq jylyn jariialaý týraly bastama kótergen edi. Osyǵan orai jylda elordada volonterler bas qosady.
Jalpy aǵaiyn bop asarlatyp, ult bolyp úme jasaý, jurt bolyp jumylý qanymyzda bar qasiet. Sondyqtan osy jolǵy jiynnyń bas sózi #Tektegi_izgilikti_oiat dep alynýynyń ózi tegin emes.
Jiynǵa qatysýǵa qyzyǵýshylyq tanytqandardyń kóptigine jáne volonterlerdiń usynysyna orai, óńirlik qatysýshy-volonterlerdi irikteý konkýrsy ótti. Onyń qorytyndysyna sáikes 80 volonter óńirlik delegattar retinde tańdaldy.
Sondai-aq arnaiy aktsiialar uiymdastyrý josparda bar. Aldaǵy ýaqytta Astanada Halyqaralyq volonterlik ortalyq ashylatynyn da atap ótkimiz keledi.
Forýmnyń daiyndyq jumystaryna Qazaqstandaǵy BUU-nyń Eriktiler baǵdarlamasynyń ókildigi, Aziiadaǵy ózara is-qimyl jáne senim sharalary jónindegi keńes Hatshylyǵy, «Ulttyq volonterlik jelisi» jáne basqa da volonterlik jáne halyqaralyq uiymdarmen áriptestik qarym-qatynasta atsalysýda. Alys-jaqyn shet elderden, elimizdiń barlyq óńirlerinen delegattar qatyspaqshy, - dedi ministr.
