Jarys Mádeniet jáne sport ministrligi, Aýyl sharýashylyǵy ministrligi jáne Nur-Sultan qalasynyń ákimdigimen kelisim boiynsha «Atbegiler men shabandozdar uiymy» respýblikalyq qoǵamdyq birlestigi bekitken at jarysy kestesine sáikes ótkizildi.
– Búgingi ulttyq at sporty sharasy Táýelsizdiktiń 30 jyldyǵyna orai uiymdastyryldy. Barlyq uiymdastyrýshylarǵa alǵysymdy bildirgim keledi. Osyndai ulttyq sport túrleri dami bersin. Biz Mádeniet jáne sport ministrligi árdaiym sport jarystaryn qoldaimyz. Búgin at jarysqa jer-jerden 70-ke jýyq shabandoz qatysýda. Barlyq qatysýshyǵa sáttilik tileimin! – dedi Mádeniet jáne sport ministrliginiń Sport jáne dene shynyqtyrý isteri komitetiniń tóraǵasy Serik Sápiev.
«Atbegiler men shabandozdar» uiymy 2018 jyldyń 20 jeltoqsanynda memlekettik tirkeýden ótken arnaýly uiym. Onyń negizgi maqsaty – tek daladaǵy báigelerdi emes, barlyq eldi mekende, onyń ishinde qalalardaǵy ippodrom jarystaryn ótkizý.
Aita keteiik, respýblikalyq jarys sanitarlyq talaptardy saqtai otyryp ótti.
