Biyl startqa BI Group Ironman 70.3 Astana jarysynyń qatysýshylary ǵana emes, sonymen qatar tolyqtai jarysý qashyqtyqtary boiynsha BI Group Ironman Kazakhstan qatysýshylary da óz baqtaryn synaýda.
Búgingi tańda 2200 áýesqoi triatlonshylar óz kúshterin synaýda. Olardyń eń jasy Úndistan eliniń ókili Avishkar Gacgale (18 jasta), al eń úlken qatysýshylar Reseilik Sergei Kolga men Germaniialyq Reinhard Drogla (72 jasta).
Álemniń 75 elinen kelgen 112 estafetalyq komanda arasynda 1400 qatysýshy "jartylai", 800-dei qatysýshy "tolyq" qashyqtyqty baǵyndyratyn bolady.
Qazaqstandyq qatysýshylardyń arasynda «Orda» tobynyń solisti Dastan Orazbekov, Olimpiada chempiony Serik Sápiev, kásipqoi triatlonshy Ekaterina Shatnaia jáne «Almaty Marafon» atqarýshy direktory Saltanat Qazybaeva da bar.
Sharanyń ashylý saltanatyna qatysqan QR Mádeniet jáne sport ministri Dáýren Abaev, Nur-Sultan qalasynyń ákimi Altai Seidiruly Kólginov jáne BI Group direktorlar keńesiniń tóraǵasy Aidyn Rahymbaev startqa jinalǵan triatletterge sáttilik pen jarqyn jeńister tiledi.
– Qurmetti sportshylar, qonaqtar! Nur-Sultan qalasyna qosh keldińizder! Kópten kútken aýqymdy IRONMAN jarysyn mine, elordamyzda ótkizgeli otyrmyz. Uzaq úzilisten, pandemiiadan keiin, biyl Nur-Sultan qalasynda qaita uiymdastyrýdyń sáti túsip otyr. Barsha jarys qatysýshylaryna sáttilik, jeńis tileimiz, – dedi qala ákimi Altai Kólginov.
– Qazaqstandaǵy sońǵy IRONMAN úsh jyl buryn ótken edi. Biz jarysqa qatysýshylardyń barlyǵyn qarsy alǵanymyzǵa qýanyshtymyz. Aiaqtaryńyz sharshamasyn, jaqsy nátijeler kórsetýlerińizge tilekshimiz. Biz osyndai aýqymdy sharaǵa qatysqanymyzǵa rizamyz, – deidi Aidyn Rahymbaev.
Eske sala keteiik, IRONMAN starty jyl boiy jer sharynyń túrli oryndarynda ótedi. Olardyń árqaisysynda maýsymnyń basty starty – IRONMAN álem chempionatyna qatysýǵa quqyq beretin belgili bir oryndar (slottar) oinatylady. BI Group IRONMAN Kazakhstan Gavaii, Kalýa-Konada IRONMAN World Championship 2022-de 45 slot oinatylady.
