Elordada tazalyqqa airyqsha mán beriledi
Sonymen qatar atalmysh biryńǵai norma sanitarlyq tazalaýǵa anyqtama berip, ony qalai júzege asyrýǵa bolatyndyǵyn kórsetetindigin aitty.
– Biryńǵai norma tazalaý jumystaryn qandai tehnikamen júrgizý durys ekendigine, kóshelerdi tazalaý jiiligi men tásilderi syndy suraqtarǵa jaýap beredi. Sondai-aq, qazirgi ýaqytta ýákiletti organdar baqylaýdy qol rejiminde atqaratynyn, qalanyń barlyq aýmaǵyn bir ýaqytta baqylaý úshin shekteýli múmkindikterge ie ekenin atap ótkim keledi. Osyǵan bailanysty, akseleratordyń belsendi toby tazalyq jumystaryn beinebaqylaý kameralary arqyly qadaǵalaýdy usyndy, – dedi M. Uzaqov.
Sonymen qatar, qalalyq damý akseleratorynyń jumysyna belsendi túrde qatysqan turǵyndar óz usynystaryna toqtalyp ótti. Olar jol sharýashylyǵy obektileriniń tólqujattaryn ózektilendirýdi usyndy: bul jinalatyn jerdiń shekarasyn naqty ajyratýǵa, sondai-aq kóshe-jol jelisiniń obektilerin ustaý boiynsha qajetti resýrstardy bólýge múmkindik beredi.
Qala ákimi Altai Kólginov atap ótkendei, qazirgi tańda qalalyq damý akseleratorynyń 3 baǵyty bar, olar: páter ieleri kooperativteri, qoǵamdyq kólik jáne sanitarlyq tazalaý jumystaryn jaqsartýǵa baǵyttalǵan.
Esterińizge sala keteiik, elorda ákiminiń tapsyrmasy boiynsha 2020 jyldyń basynan bastap kommýnaldyq qyzmetkerlerdiń jalaqysy kóteriledi. Al olarǵa qolaily eńbek jaǵdailaryn jasaý úshin 67 arnaiy tehnika satyp alyndy. Sondai-aq kelesi jyldyń basynda taǵy da 90 arnaiy tehnika alynady, olardyń bir bóligin kóktem men jaz mezgilderinde paidalanýǵa bolady.
