Elordada kópbalaly analardyń jetekshisi qala halqyn vaktsinatsiialaýǵa shaqyrady
«Strong mothers» (Myqty analar) qorynyń qyzmetkerleri kópbalaly jáne erekshe qajettilikteri bar balalardy tárbielep otyrǵan analarmen jumys isteidi. Qiyn kúnderi ákimdiktiń qoldaýymen jalǵyz basty analarǵa jáne halyqtyń ózge de osal toptaryna jan-jaqty kómek kórsetedi. Olar qazirgidei jappai vaktsinatsiia kezinde ekpe alyp, immýndaýdan ótýge shaqyrdy.
– Bizdiń qor kópbalaly, erekshe qajettilikteri bar balalardy tárbielep otyrǵan otbasylardy qoldaýmen ainalysady. Oqý ortalyǵynda balalarǵa aǵylshyn tilin, shahmat, dombyra, gitara oinaýdy, mentaldi arifmetika, robototehnika jáne ózge de kóptegen nárselerdi úiretemiz. Elorda ákimdigine bizdiń qorǵa qoldaý kórsetkeni jáne jalpy áleýmettik osal otbasylardy qoldaǵany úshin alǵys aitqym keledi.
Olardyń kómeginiń arqasynda balalarymyz kúlimsirep sabaǵyna baryp, oqýǵa múmkindik aldy. Árine, elimizge ǵana emes búkil álemge pandemiia qiyndyq týdyryp turǵanda shette qalmai, vaktsinatsiiadan ótý týraly sheshim qabyldadyq. Ózimiz úlgi kórsetip, jaqyndarymyzdy qorǵaǵymyz keledi. El turǵyndaryn vaktsinanyń eki komponentin alýǵa shaqyramyn. Biz ujymdyq immýnitetti qalyptastyrmaiynsha, bul aýrýdy jeńe almaimyz, – dedi 4 balanyń anasy, «Myqty analar» qorynyń quryltaishysy Uljan Myrzageldieva.
Kópbalaly analar koronavirýspen qazir balalar jii aýyra bastaǵanyn aitty. Virýs eshkimdi tańdamaidy, úlkenge de, kishige de qaýipti. Onyń ziianynan tek vaktsinatsiia arqyly qorǵanýǵa bolady.
Aita keteiik, elordada immýndaý júiesine kúmán keltiretinder qatary azaiyp keledi. Qala turǵyndary jappai vaktsinatsiiany qoldaidy, osylai ǵana qaýipti virýstyń zardaptarynan ózin jáne ózgelerdi qorǵaýǵa bolatynyn biledi.
Búgingi tańda Nur-Sultanda vaktsinanyń birinshi komponentin 326 myńnan astam adam aldy, al 219 myńnan astam azamat tolyq immýndaýdan ótti.
