Qazirgi tańda Energetıka jáne turǵyn-úı komýnaldyq sharýashylyǵy basqarmasynda – 8 joba boıynsha qurylys-jóndeý jumystary júrgizýde. Osy jobalardyń sheńberinde 218 jumys orny qurylǵan. Jumyssyz júrgen 113 azamat Jumyspen qamtý ortalyǵy arqyly jumysqa ornalastyrylsa, 115-i jumys berýshiler arqyly jumysqa turǵanyn aıta ketýimiz kerek.
Budan basqa elordada maquldanǵan 14 jobanyń tórteýin Nur-Sultan qalasy Qurylys basqarmasy júzege asyryp jatyr. Bul jobalardyń kómegimen 211 ýaqytsha jumys orny qurylyp, jalpy sany 216 adam – jumys istep jatyr.
Al Qorshaǵan ortany qorǵaý jáne tabıǵatty paıdalaný basqarmasy – 2 joba boıynsha áleýmettik qurylys nysanyna jóndeý júrgizip, 54 jumys orny qurdy.
Nur-Sultan qalasy boıynsha jumyspen qamtýdyń «Jol karasty» sheńberinde shahardaǵy ınjenerlik-kóliktik ınfraqurylymdardy jóndeý, turǵyn úı-kommýnaldyq sharýashylyǵy men qalany abattandyrý, kógaldandyrý boıynsha jumystar qarqyndy júrgiziledi.
«Jumyspen qamtýdyń Jol kartasy» jobasyn júzege asyrý úshin dánekerleýshi, aǵash ustasy, kran mashınısti, armatýrshy, tas qalaýshy, betonshy, káriz qubyrlaryn jóndeýshi, ekskavatorshy, aýyr júk kóligin júrgizýshi, jol jóndeýshi, kógaldandyrýshy jumysshylar, montajdaýshy, elektrık mamandyqtary suranysqa ıe ekenin aıta ketýimiz kerek.
Jumysshylardyń ortasha jalaqysy – 85 000 teńgeden 250 000 teńge aralyǵynda tólenedi. Beriletin jalaqy atqaratyn laýazymyna jáne oryndaıtyn jumysyna baılanysty belgilenedi.
Nur-Sultan qalasy ákimdiginiń «Jumyspen qamtýdyń 2020-2021 jyldarǵa arnalǵan Jol kartasy» jobasynyń iske asyrylýyn baqylaý boıynsha monıtorıńtik top qurylǵan. Tekserýshi top quramyna – máslıhat depýtaty, «Adaldyq alańy» jobalyq keńsesi jáne «Nur Otan» partıasy fılıalynyń ókilderinen engip otyr. Taıaýda baqylaýshylar toby Nur-Sultan qalasyndaǵy №23 orta mektebine 600 oryndyq japsarjaı salý jobasyn aralady.
Atalǵan mektepte jóndeý júrgizip jatqan «BazısDorStroı» JSHS basshylyǵymen jumysshylardyń eńbek jaǵdaıy, jalaqyny ýaqtyly tóleý, mindetti áleýmettik tólemderdi esepteý týraly esebi tyńdaldy. Sonymen qatar №23 mektep dırektorymen joba aıaqtalǵannan keıin 70 jańa turaqty jumys ornyn qurý týraly aıtyldy.
Osy jobany júzege asyrý bastalǵannan beri 21 adam jumysqa tartylǵan. Olar – ınjener-smetashy, kran mashınısi, kafel tóseýshi, qarapaıym jumysshy jáne ýchaske proraby. Jospar 100% qamtyldy.
Sondaı-aq, monıtorıńtik top Maıqaıyń jáne A351 kósheleriniń qıylysyna júrgizilip jatqan №92 mektep salý jobasyn aralady.
Bul joly tekserýshi «ASTI» JSHS basshylyǵymen jumysshylardyń eńbek jaǵdaıy, eńbekaqynyń ýaqtyly tólenýi, mindetti áleýmettik tólemderdiń eseptelýi týraly suhbat júrgizdi. Sonymen qatar №92 mektep dırektorymen joba aıaqtalǵannan keıin 91 jańa turaqty jumys orynyn qurý týraly sóz etti.
Osy jobany júzege asyrý bastalǵannan beri 136 adam jumyspen qamtylǵan (olar – óndiristik-tehnıkalyq bólim ınjeneri, dánekerleýshi, montajdaýshy, elektrık, jumysshy jáne ýchaske proraby).
Jumys 2021 jylǵa arnalǵan «Jumyspen qamtý jol kartasy» obektilerinde monıtorıń júrgizý boıynsha bekitilgen josparǵa jáne monıtorıńtik toptyń jumysqa barý kestesine sáıkes jalǵasatyn bolady.
2021 jylǵa arnalǵan Jumyspen qamtý jol kartasy obektilerinde monıtorıń júrgizý boıynsha bekitilgen josparǵa jáne monıtorıńtik toptyń jumysqa barý kestesine sáıkes jalǵasatyn bolady.
Búginde Nur-Sultan qalasy ákimdiginiń Halyqty jumyspen qamtý ortalyǵy «Jumyspen qamtýdyń 2020-2021 jyldarǵa arnalǵan jol kartasy» sheńberinde iske asyrylatyn ınfraqurylymdyq obektilerde jumysqa ornalasýǵa turaqty qoldaý kórsetip keledi.
JQJK sheńberinde iske asyrylatyn ınfraqurylymdyq obektilerdi júzege asyrý jobalarynda jumys isteýge qyzyǵyǵýshylyq tanytýshylar kóp. Elordany salýǵa, jóndeýge, abattandyrypp, kógaldandyrýǵa belsendi qatysyp, óz úlesin qosyp júrgen azamattardyń biri – Erlan Aıaǵanov.
Ol mamyr aıynda Jumyspen qamtý ortalyǵyna jumys izdep kelip, Jol kartasy boıynsha jumys tapty. Qazir ol «ASTI» seriktesiginiń 1 200 oryndyq mektep salý qurylysynda dánekerleýshi bolyp jumys istep júr. Bul jerde jumys berýshi qyzmetkerlerdiń tegin tamaq jáne jol júrý shyǵyndary ótep beredi.
JQJK aıasynda nysandarǵa jumysqa ornalasý úshin «Nur-Sultan qalasy ákimdiginiń Halyqty jumyspen qamtý ortalyǵy» KMM-ne júginý qajet.
Meken-jaıy: Beıbitshilik 25, BO «Órken»
Sall center: 8(7172) 57-87-00;8(7172) 57-88-88;8(7172) 72-93-62.
