“Elordada ınvestısıalyq ahýal jaman emes. Mysalǵa 2021 jyly qalaǵa kelgen ınvestısıa kólemi 1 trıllıon 200 mlrd teńgeni qurady. Byltyr 1,5 trıllıon teńge boldy. Al bıyl birinshi toqsannyń nátıjesi boıynsha qalaǵa kelgen ınvestısıa kólemi ótken jylmen salystyrǵanda 20 paıyzǵa ósti. Investorlar qalamen jumys istep jatyr, olar qabyldanǵan zańdarǵa, ınvestısıalyq ahýalǵa senim artyp otyr”, - dedi Jeńis Qasymbek.
Ol suhbat barysynda medısına, bilim berý salalaryna tartylatyn ınvestısıa kólemi 10 ese artqanyn tilge tıek etip ótti.
“Investısıanyń 26 paıyzy qurylysqa, qalǵany óndiris jáne basqa salalarǵa bólingen. Qýantatyny, qazir densaýlyq saqtaý jáne bilim berý salalaryna ınvestısıa ótken jyldarmen salystyrǵanda 10 ese kóbeıip jatyr”, - dedi qala ákimi.
