Sharaǵa Almaty oblysynyń əkimi Amandyq Batalov, Astana qalasynyń əkimi Əset Isekeshev, Mədeniet jəne sport ministri Arystanbek Muhamediuly jáne "Astana EKSPO-2017" UK" AQ basqarma tóraǵasy Ahmetjan Esimov arnaiy qatysyp, eń aldymen zal foiesindegi oblys sýretshileri men qolónershileriniń kórmesimen tanysty.
Kontsertte M.Tólebaev atyndaǵy halyq aspaptar orkestri, «Altynai» memlekettik halyqtyq bi ansambli, «Sazgen», «Adyrna», «Qulansaz» folklorlyq-etnografiialyq ansamblderi, «Taldyqorǵan əýenderi» ansambli, Qazaqstan Respýblikasynyń eńbek sińirgen ərtisteri Qanat pen Aitgúl Qudaibergenovtar, Uljan Ainaqulova jəne basqa da ənshiler óner kórsetti. Mazmundy sharada Jetisýdyń bai óneri men mədenieti, kópetnosty halqynyń birligi pash etilip, «Ekspo» kórmesine arnaiy jazylǵan «EXPO mereke» əni men «EXPO» bii de kórermender nazaryna usynyldy.
Jalpy Almaty oblysynyń Astanadaǵy Mádeniet kúnderine Jetisý óńirinen 400-ge jýyq ártister, sýretshiler, sportshylar, qolóner sheberleri jáne basqa da óner ieleri kelgen.
Mádeniet kúnderi 11-15 shilde aralyǵynda ótedi. Jetisý aimaǵy astanalyqtardy túrli teatrlyq qoiylymdarymen, kontsertterimen, qolóner jáne sýretshiler kórmelerimen, sporttyq jarystarymen qýantatyn bolady.
