Qala boıynsha jyl saıyn joldardy ortasha jóndeý (shuńqyr) jumystary júredi. Sondaı-aq, «Astana sý arnasy» sý qubyry men kanalızasıa jelilerin jáne mańy oıylyp qalǵan sý qubyry qudyqtarynyń aınalasyna asfált tóseý jumystary júrgizilýde.
– Osy jyly Astana qalasynda uzyndyǵy 45,95 shaqyrymdy quraıtyn 65 kóshege jóndeý júredi. Onyń 15-i ortalyq kóshe, qalǵan 50-i turǵyn úı alaptarynda ornalasqan, – dep habarlady Kólik jáne jol-kólik ınfraqurylymyn damytý basqarmasynyń joldardy salý jáne jóndeý bóliminiń basshysy Asqar Isakov.
Sonymen qatar 2019 jyly Elordanyń oń jaǵalaýynda velojol salynbaqshy. Astana qalasynyń qorshaǵan ortany qorǵaý jáne tabıǵatty paıdalaný basqarmasy velosıped transporty men ınfraqurylymyn damytý jobasyn ázirlepti. Bul joba aıasynda jalpy qashyqtyǵy 66 shaqyrym bolatyn velojol salýdyń qurylysy qarastyrylǵan. Velojol qurylysy 2 kezeńnen turady. Astana qalasy qorshaǵan ortany qorǵaý jáne tabıǵatty paıdalaný basqarmasyndaǵy tabıǵatty qorǵaý jobalaryn perspektıvalyq josparmen basqarý bóliminiń basshysy Azamat Jańataevtyń aıtýynsha, bıyl Qabanbaı batyr, Máńgilik el, Rysqulov dańǵyly, Qaraqaraly tas joly, Qonaev, Dostyq, Maqataev kósheleri boıynda jáne Esil ózeni jaǵalaýy men Jasyl beldeý terıtorıasy boıynsha velojoldar paıda bolmaq. Bar-joǵy jobanyń 5 kezeńi iske asyrylyp, onyń sheńberinde 2022 jylǵa deıin 1717 shaqyrym velojol salyný josparlanyp otyr.
Oń jaǵalaýdaǵy velosıped jolynyń qurylysy 2019 jylǵy ekinshi kezektegi jobany iske asyrý kezinde bastalady.
N.ÁÝBÁKİR
