Ótken jyldyń qorytyndysy boiynsha qalada 406 552 adam dene shynyqtyrýmen jáne sportpen júieli shuǵyldanýmen qamtamasyz etildi, bul ótken jyldyń kórsetkishinen 3,38% - ǵa artyq. 2025 jylǵa deiin elorda halqynyń jalpy sanynan qamtýdy 35% - ǵa deiin arttyrý josparlanýda.
Osy maqsatta Nur-Sultanda "Qoljetimdi sport" baǵdarlamasy ázirlenip, júzege asyryldy. Joba elordanyń sport zaldarynda júzege asyryldy. Sabaqtar qala boiynsha 40-tan astam jerlerde sporttyń 6 túri boiynsha ótkizildi: fitness/zýmba, skandinaviialyq júris, karate, júgirý, toǵyzqumalaq, ústel tennisi.
Mysaly, skandinaviialyq serýendeý saiabaqtarda taza aýada ótti. Kez-kelgen adam aptasyna 3 ret qosylyp, jattyǵý jasai alady. Jobaǵa joǵary sanatty jattyqtyrýshylar, sport sheberleri jáne bilikti nusqaýshylar qatysty. Jattyǵýlar aýla klýbtarynda, sport ortalyqtarynda jáne sport sarailarynda, sonyń ishinde "QAZAQSTAN" jeńil atletika manejinde, Táýelsizdik saraiynda, "Alaý"Muz Saraiynda ótkizildi.
Joba elorda turǵyndary arasynda jáne Instagram áleýmettik jelisinde kún saiyn jattyǵýlardan beine jáne foto jariialanyp, paidalanýshylar óz pikirleri men tilekterin qaldyrdy. Qatysýshylardyń jalpy sany 5 myńnan astam adamdy qurady. 2022 jyly jobany júzege asyrý maýsymnan jeltoqsanǵa deiin josparlanyp otyr.
Qazirgi ýaqytta elordada 11 balalar men jasóspirimder sport mektebi, olimpiadalyq jáne olimpiadalyq emes sport túrlerin damytý direktsiiasy, sporttyq-buqaralyq is-sharalardy ótkizý direktsiiasy, olimpiadalyq rezervti daiarlaý ortalyǵy jáne tennisten "Dáýlet" sport kesheni jumys isteidi, olardyń kontingenti sporttyń 60 túri boiynsha 8 655 sportshyny quraidy.
Qala qurama komandalarynyń quramynda 5 myńnan astam sportshy bar.
Búginde qalanyń shtattyq qurama komandasynyń quramynda 150 adam bar.
2022 jylǵa arnalǵan jazǵy sport túrleri boiynsha QR Ulttyq qurama komandasynda Nur-Sultan qalasynyń 1165 ókili bar.
Jalpy, elordada 113 sport túri, 36 sport túri erekshe qajettilikteri bar adamdar úshin júzege asady.
Qalada 28 aýla klýby jumys isteidi. Qazirgi ýaqytta halyqtyń áleýmettik osal toptarynan 3 000-nan astam bala tegin bilim alýda jáne jattyǵýda.
Aita ketý kerek, Nur-Sultanda "Dene shynyqtyrý jáne sport" mamandyǵy boiynsha perspektivaly sportshylardy oqytý úshin alǵash ret ákimniń 50 granty bólindi. Aldaǵy ýaqytta jas mamandardy jumysqa ornalastyrý múmkindigi qarastyrylady.
