«On bes eldiń sportshylary «Astana Silver Grand Prix Meeting» týrnirine qatysý úshin Astanaǵa arnaiy keldi. Mundai jarysty ótkizý mártebesine biyl bizden bólek, AQSh, Germaniia, Frantsiia, Serbiia, Slovakiia, Chehiia memleketteri ie bolǵan», -dedi QR Jeńil atletika federatsiianyń prezidenti Danial Ahmetov.
Atalmysh týrnir otandyq jeńil atletikany damytýda úlken serpin berip, sportshylar arasyndaǵy básekelestikti arttyrady deidi óz kezeginde QR Mádeniet jáne sport ministri Ashat Oralov.
«Dúniejúzilik jarysqa álemniń 15 elinen sportshylar qatysty. Bul degenimiz, jeńil atletikanyń ǵana merekesi emes, jalpy elder arasyndaǵy yntymaqtastyqtyń da týyn biikteitin is-shara dep oilaimyn», - dedi Ashat Oralov.
Týrnirge qatysýshylar jeńil atletikanyń 10 túrinen ózara myqtyny anyqtady. Erler arasynda 60 metrge kedergilermen júgirý jarysynda márege birinshi bolyp kelgen kýbalyq Rodjers Iribarn (nátijesi 7.62sekýnd) otandasymyz David Efremovtan sál ǵana ozyp (7.65sek), ketti. Aitpaqshy, munyń aldynda David Efremov aldyn-ala júgirý kezinde 7,62 sekýnd nátijesimen dál osy baǵdarlamada Qazaqstan rekordyn jańartqan bolatyn.
Sondai-aq, erler arasynda 400 metrge júgirýden otandastarymyz Mihail Litvin 46.41 nátijesimen 1-oryn, Andrei Sokolov 46.74 sekýnd nátijesimen 2-oryn ielense, braziliialyq Aleksandr Rýsso 47.70 sekýnd nátijesimen máre syzyǵyn 3 bolyp kesti.
Áielder arasynda 60 metrge júgirýden otandasymyz Olga Safronova (7.30sek) portýgaliialyq Arialis Gandýllaǵa (7.18sek) ese jiberip máre syzyǵyn ekinshi bolyp kesti. Úshinshi orynǵa aýstraliialyq Magdalena Linder (7.43sek) jaiǵasty.
Áielder arasynda uzyndyqqa sekirýde ózbekstandyq Daria Reznichenko 6.32 metr nátijesimen top jardy. Otandastarymyz Anastasiia Rypakova (5.89metr) nátijesimen 2-oryn, Alina Chistiakova (5.84metr) nátijesimen júldeli 3-orynǵa jaiǵasty.
Erler arasynda 800 metrge júgirýden horvat Marino Blýdek (1:48.23) nátijesimen 1-oryndy iemdense, keniialyq Nikolas Kiplangat 1:48.31 nátijesimen 2-orynǵa, al úshinshi orynǵa sloveniialyq Jan Výkovich (1:48.72) nátijesimen jaiǵasty.
1500 metrg qashyqtyqqa júgirýden Djarinter Mvasia (Keniia) 4:14.26 nátijesimen 1-oryn, Hirýt Meshesha (Efiopiia) 4:14.40 nátijesimen 2-oryn, Kamila Gomes (Portýgaliia) 4:26.63 nátijesimen 3-oryn ielendi.
Týrnirdiń eń tartysty dodalarynyń biri áielder arasynda biiktikke sekirý boldy. Nátijesinde júldeli úsh oryndy da otandastarymyz ielendi. Olar:
Nadejda Dýbovitsaia (1.93metr) – I-oryn;
Kristina Ovchinnikova (1.89metr) – II-oryn
Elizaveta Matveeva (1.89metr) – III-oryn.
Áielder arasynda 400 metr qashyqtyqta 1-oryn Elina Mihina (55.14sek), 2-oryn Aleksandra Zaliýbovskaia (55.28sek), 3-oryn Kristina Kondrashova (55.87sek) ielendi.
Erler arasynda 60 metrge júgirýden amerikalyq Maikl Rodjers top jardy. Ol atalmysh qashyqtyqty 6.664 sekýnd ishinde júgirip ótti. Ekinshi orynǵa AQSh sportshysy Demek Kemp (6.665) jaiǵasty. Bul sportshylardyń nátijesin sekýndtyń myńnan bir bóligi bóldi Úzdik úshtikti portýgaliialyq Frederiko Kýrvelo qorytyndylady onyń kórsetkishi 6.75 sekýnd.
Erler arasynda 3000 metr qashyqtyqqa júgirýden Ali Abdilmana (7:52.43) top jardy (Efiopiia). Ulybritaniialyq Aleksandr Djordj (8:07.55) kúmis medal, al qazaqstandyq Aleksei Gýsarov (8:27.10) qola medal ielendi.
Týrnir QR Jeńil atletka Federatsiiasynyń YouTube arnasynda jáne Qazsport telearnasynda tikelei efirde kórsetildi.
