Kókshetaý qalasynda mádenıet jáne óner salasy uıymdary men qyzmetkerleriniń IV respýblıkalyq «Rýhanı qazyna – 2021» festıvali baıqaýynyń jeńimpazdaryn marapattaý rásimi ótti. Sharanyń basty maqsaty tek úzdik qyzmetkerlerdi anyqtaý ǵana emes, sondaı-aq jaqyn yntymaqtastyq ornatý, tájirıbe almasyp, jańa deńgeıge kóterilýge múmkindik berý boldy. Baıqaý qorytyndysy boıynsha Glýbokoe aýdanynyń Bobrovka aýyldyq kitaphanasy Úzdik aýyldyq mańyzy bar kitaphana dep tanylyp, dıplommen marapattaldy. Sonymen qatar, jeńimpaz bir mıllıon teńgeniń sertıfıkatyn ıelendi, – dep habarlaıdy Dalanews.kz SHQO ákimniń baspasóz qyzmetine silteme jasap.

– Kókshetaýǵa júrer aldynda men sapar kúnderin shatastyryp, 2 kúnnen keıin jolǵa shyǵý kerek dep oıladym, sóıtsem, bir saǵattan keıin elordaǵa attaný kerek eken. Qatty tolqyp, keshigip qalamyn ba dep shoshydym, áriptesterimniń der kezinde esime salǵany jaqsy boldy, – deıdi Bobrovka aýyldyq kitaphanasynyń kitaphanashysy Natalá Aksenenko. – Munda barlyǵy óte jaqsy uıymdastyrylǵan. Kóp nárseni kórip, bildim. Sondaı-aq, festıvál aıasynda trenıńten de óttim.

Festıválǵa elimizdiń ár óńirinen kitaphanashylardyń qatysqanyn aıta ketken jón. Baıqaý birneshe nomınasıada óttti. Shyǵysqazaqstandyq kitaphanashylar tórt nomınasıa boıynsha jeńiske jetip, 500 myń teńge sertıfıkattaryn ıelendi:

«Balalar men jasóspirimderdi oqýǵa tartý boıynsha úzdik ınovasıalyq joba» – A.S. Pýshkın atyndaǵy Shyǵys Qazaqstan oblystyq kitaphanasy, dırektory Shaǵıeva Bıbigúl Jambylqyzy, "Qazaqstannyń ulttyq elektrondy kitaphanasyn tolyqtyrýǵa jáne damytýǵa qosqan úlesi úshin» – Shyǵys Qazaqstan oblystyq Abaı atyndaǵy ámbebap kitaphanasy, dırektory Gúlnar Jigitbaeva, «Kitap oqý men kitapty jyljytý jónindegi úzdik medıa joba» – Shyǵys Qazaqstan oblystyq balalar men jasóspirimder kitaphanasy, dırektory Kúlmarıa Baltashevna.