15 sáýirden bastap Qazaqstannyń joldarynda jol jabyndysynyń olqylyqtaryn joiýǵa baǵyttalǵan jyl saiynǵy eki ailyq bastalady. Eki ai ishinde shuńqyrlardy jamaý, jol belgilerin ornatý jáne joldardy tańbalaý siiaqty jumystardyń jyldyq kóleminiń 60%-ǵa oryndalmaq.
Atalmysh jumystar 15 sáýir men 15 maýsym aralyǵynda Almaty, Atyraý, Jambyl, Qyzylorda, Mańǵystaý jáne Túrkistan oblystarynda, 1 mamyr men 1 shilde aralyǵynda Aqmola, Aqtóbe, Batys Qazaqstan, Shyǵys Qazaqstan, Qaraǵandy, Qostanai, Pavlodar jáne Soltústik Qazaqstan oblystarynda júrgiziletin bolady.
Baǵdarlamaǵa sáikes el joldarynyń 463 myń sharshy metrinde shuńqyrlardy jamaý jumystary júrgizilip, 13,4 myń jol belgileri men aqparattyq nysandar ornatylady dep kútilýde. Jolshylar uzyndyǵy 37,1 myń shaqyrymdy quraityn joldardyń qozǵalys bóligin tańbalap, jol boiyndaǵy qorshaýlardyń 37,5 myń qýma metrin ornatýy, jóndeýi tiis. Sonymen qatar, joldardyń 8,4 myń sharshy metrinde shýyl jolsyzyǵy tóseletin bolady dep josparlanýda. Jumystardy «Qazaqavtojol» JShS júzege asyratyn bolady.
