Shymkent qalasyndaǵy Qazaqstan ınjenerli-pedagogıkalyq Halyqtar dostyǵy ýnıver¬sıtetinde jınalǵan analar «Rýhanı jańǵyrý» baǵdarlamalyq maqalasyn iske asyrýdaǵy Analar keńesiniń rólin talqylady. Jıynǵa Qazaqstan halqy Assambleıasy tóraǵasynyń oryn-basary, hatshylyq meńgerýshisi Darhan Myńbaı, Ońtústik Qazaqstan oblysynyń ákimi Janseıit Túımebaev, QR Bas prokýratýrasy men QHA qyzmetkerleri, ǵalymdar, respýblıkalyq qoǵamdyq uıymdardyń jetekshileri, barlyq oblystardaǵy Analar keńesteriniń tóraıymdary qatysty.
Bas qosýda sóz alǵan oblys ákimi J.Túımebaev jer júzindegi barlyq halyqtyń óz aldyna ult bolyp uıysýyna, jeke halyq, egemen el, derbes memleket bolyp qalyptasýyna áıel-analardyń sińirgen eńbegi orasan ekenin aıtty.
– Búginde bizdiń qoǵamdaǵy analarymyz elimizde bolyp jatqan barlyq jaǵymdy jańalyqtarǵa, qoǵamdaǵy ómirsheń ózgeristerge, ıdeıalyq-saıası, áleýmettik-mádenı jumystarǵa, memleketi¬mizdiń búkil tynys-tirshiligine belsene aralasyp otyr. Statısıkalyq máli¬metterge súıensek, bizdegi jalpy memlekettik qyzmetshilerdiń teń jartysynan astamy áıelderdiń úlesine tıedi eken. Bul – úlken kórsetkish, joǵary nátıje, jaqsylyqtyń nyshany. Qazaqstan halqy Assambleıasy janynan Analar keńesin qurý eldigimizge tán, tarıhı dástúrimizben tamyrlas bastama bolyp tabylady. Óıtkeni, ananyń aq batasymen eldiń kósegesi kógergen, onyń bir aýyz sózimen el ishin alataıdaı búldirgen nebir ónbes daýlarǵa núkte qoıylǵan, – dedi ákim.
Respýblıkalyq otyrysta Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasynda aıtylǵandaı, ulttyq dástúrdi negizge ala otyryp, otbasy qundylyqtaryn dáripteý, urpaq tárbıesindegi ózekti máselelerdi talqylap, usynystar ázirleý, urpaqtan urpaqqa jalǵasyp kele jatqan ózara syılastyq pen tatýlyq, meıirimdilik, birlik pen kelisim sekildi eldigimizdiń tiregi bolǵan qundylyqtardy keńinen nasıhattaý jaıy qaraldy.
Aıta ketý kerek, búginde Qazaqstan halqy Assambleıasy janynda konsýltatıvtik-keńesshi organ retinde oblystyq, aýdandyq, aýyldyq deńgeıde 1774 Anar keńesi jumys isteýde. Keńeste 9234 adam múshe bolyp tabylady. Al, Ońtústik Qazaqstan oblystyq Qazaqstan halqy Assambleıasy janynda 202 Analar keńesteri bar. 1130-dan astam múshesi bar keńes ajyrasýdyń aldyn alý, otbasydaǵy urpaq tárbıesi, jasóspirimder arasyndaǵy qylmys pen quqyqbuzýshylyq syndy ózekti máseleler tóńireginde 640-tan astam is-shara uıymdastyryp, birqatar aýqymdy bastamalardy qolǵa aldy.
OQO ákiminiń baspasóz qyzmeti
