Elimizde qazaqtildi mýltfilm jasaýǵa 350 million bólinedi, - dep habarlaidy Dalanews.kz.
Bul týraly Májilis depýtaty Ashat Aimaǵambetov aitty. Depýtat qazaq tilindegi mýltfilmder óte az, al YouTube siiaqty qoljetimdi platformalarda múlde joqtyń qasy ekenin atap ótti.
"Búgingi kúni bul úlken másele, óitkeni balalar teledidardan góri internet pen YouTube-ty kóbirek tańdaidy. Balalar “Sinii traktor” men “Masha i Medved” siiaqty mýltfilmdermen shektelmei, sapaly ári qyzyqty qazaqsha mýltfilmderdi kórýi tiis. Osy maqsatta, kelesi jyldyń biýdjet jobasyn qarastyrý barysynda, qazaq tilindegi mýltfilmder jasaýǵa 350 million teńge bólýdi jáne olardyń tek teledidarǵa emes, mindetti túrde internetke, sonyń ishinde YouTube-qa júktelýin qamtamasyz etetin normany zańǵa engizdik. Bul balalardyń qazaq tilinde qyzyqty kontentke qol jetkizý múmkindigin keńeitedi dep senemiz", - dep jazdy depýtat.
Ashat Aimaǵambetovtiń sózinshe, qazaqsha balalar kontentin jasaýda belgili bir qiyndyqtar.
"Máselen, "Balapan" telearnasynyń kontent jasaýshylarǵa tóleitin qarajaty óte az bolǵandyqtan, olar tek qazaq tilin qoldaý maqsatynda jumys istep, kóbine volonter siiaqty áreket etedi. Sondyqtan, osy biýdjet arqyly bólingen qosymsha qarajat qazaqsha kontenttiń sapasyn arttyrýǵa yqpal etedi dep senemiz. Jalpy, balalar arasynda qazaqsha kontentti tutyný boiynsha sapaly ǵylymi zertteý júrgizý qajet. Osyǵan bailanysty Ǵylym ministrligine tiisti usynys jasadyq", - deidi ol.
Sonymen qatar, Aimaǵambetov álemdik hit mýltfilmderdi de memlekettik tilge aýdaryp, YouTube-qa júkteý mańyzdy ekenin atap ótken.
"Bul úshin avtorlyq quqyq ielerimen aýqymdy jumys qajet. Ázirge bul másele tolyq sheshilgen joq, biraq aldaǵy ýaqytta osy baǵytta jumysty jalǵastyrýdy josparlap otyrmyz", - deidi depýtat.
