Jandos Búrkitbaev epıdjaǵdaıǵa áser etetin jaǵymsyz faktorlardyń biri álemde "omıkron-shtamm" nusqasynyń taralýynyń joǵary qarqyny ekenin aıtty.
“30 qarashadaǵy jaǵdaı boıynsha koronavırýstyń "omıkron-shtammy" 16 elde, al búgingi kúni álemniń 110 elinde anyqtaldy. "Omıkron" shtammynyń taralý koefısıenti joǵary – 1:5-ke teń, sondaı-aq, shtammdy qaıta juqtyrý qaýpi joǵarylaǵany baıqalady”, – QR Densaýlyq saqtaý mınıstriniń mindetin atqarýshy Jandos Búrkitbaev.
Densaýlyq saqtaý mınıstriniń mindetin atqarýshy Dúnıejúzilik densaýlyq saqtaý uıymynyń boljamyn jarıalady, oǵan sáıkes aýrý birneshe aı boıy búkil álemge taralady.
Saýda-oıyn-saýyq ortalyqtaryna, saýda úılerine, saýda jelilerine; sporttyq-saýyqtyrý ortalyqtary men fıtnes-ortalyqtarǵa, ıoga-ortalyqtarǵa; karaoke; baseınder; saýnalar, monshalar; bankter; "Qazposhta" AQ bólimsheleri, HQKO-ǵa Ashyq qosymshasy boıynsha "jasyl" statýsy bar adamdarǵa ǵana kirýge ruqsat berý bóliginde qosymsha aldyn alý sharalaryn engizý usynylady.
Atalǵan normany 2022 jylǵy 5 qańtardan bastap engizilmek.
