Sezd jumysyna respýblikanyń barlyq 17 óńirinen delegattar, ziialy qaýym ókilderi, ardagerler men shaqyrylǵan qonaqtar onlain rejimde jáne sezd jumysynyń qurmetti qonaqtary Respýblikalyq referendýmdy qoǵamdyq qoldaý shtabynyń basshysy Tóleýbek Tóleýuly Muqashev jáne Memleket jáne qoǵam qairatkeri, Jabal Erǵaliuly Erǵaliev qatysty.
B.Izmuhambetov 19 mamyr kúni QR Prezidenti Qasym-Jomart Kemeluly Toqaevtyń qabyldaýynda bolǵanyn óte jyly qabyldaý bolǵanyn aityp, Prezidentke ardagerlerdiń jumysy týraly jáne Referendým boiynsha eki baǵytta jumys jasap jatqanyn jetkizgen bolatyn.
Birinshi Konstitýtsiiaǵa ózgeris engizýdiń mańyzdylyǵy týraly, ekinshi ardagerler turǵyndarǵa referendýmnyń mánin túsindirip qatysýǵa belsendilik kórsetýga shaqyryp jumys jasalyp jatqany týraly aitty.
Prezident óz tarapynan qoǵamdyq jumystardy el ardagerleriniń belsendilik kútetinin jetkizdi.
El ardagerleri elimizdiń turaqtylyǵy, tynyshtyǵy úshin, memleket basshysynyń bastamasyna árqashan qoldaý kórsetetinin referendýmdy qoldaý úshin respýblikalyq shtab qurylǵanyn aityp ótti.
Budan basqa, Ortalyq keńeste barlyq 17 óńirdegi filialdar tóraǵalarynyń uiymdastyrýymen referendýmdy qoǵamdyq qoldaý shtabtary qurylyp jumys istep jatyr.
Olardyń qataryna jergilikti óńirge tanymal, memleket jáne qoǵam qairatkerleri, elge syily ardagerler jumyldyryldy. Shtab quramyndaǵy ardagerler konstitýtsiialyq reformalardyń negizgi erejelerin turǵyndarǵa keńinen túsindirýmen ainalysatynyn. Bul- jumystar elimizdiń barlyq óńiri boiynsha júrgizilip jatyr dedi.
Sonymen qatar, Ortalyq keńeste shtab jumysyn úiymdastyrýǵa qolaily bolý úshin ázirlengen nusqaýlyq pen is-sharalar jospary, onda shtab músheleri atqaratyn jumystar naqty bekitilgenin aityp ótti.
Sóziniń sońynda B.Izmuhambetov ardagerlerimiz «Ata zańymyzǵa» engiziletin ózgerister men tolyqtyrýlardyń mańyzdylyǵyn túsindirýde belsendilik kórsetip, 5 maýsymda ótetin búkilhalyqtyq referendýmǵa qatysyp óz tańdaýyn jasaýǵa halyqty shaqyrýy kerek dedi.
J.Erǵaliev óz sózinde -bilik basyna kelgen ekinshi Prezidentimiz Qasym-Jomart Toqaev ádiletti qoǵam ornatý ideiasyn ortaǵa tastaǵanyn, Konstitýtsiiaǵa ózgerister engizý jóninde referendým ótkizýdi usynǵan Qasym-Jomart Toqaev qazaqstandyq qoǵamdy alańdatyp, san alýan pikirler toǵysyp jatqan alańǵa oryndy bastamamen shyqqanyn aitty. Ardagerlerdiń kezekten tys IX sezinde Respýblika Konstitýtsiiasyna usynylǵan túzetýlerdi engizý týraly Qazaqstan Respýblikasy Prezidentiniń bastamasyna orai, Referendým aiasynda jalpyhalyqtyq daýys berýdiń mańyzdylyǵy aityldy.
Qortyndysynda, El ardagerleri Qazaqstan Respýblikasynyń árbir azamatynyń Konstitýtsiiaǵa ózgerister engizý týraly óz pikirin aitýǵa quqyly ekenin aityp, Qazaqstan halqyn búkilhalyqtyq referendýmdy qoldaýǵa shaqyryp Úndeýin jariialady.
