«Jaqsynyń aty ólmeıdi, ǵalymnyń haty ólmeıdi» degen danalyq sózdi zań ǵylymdaryna óshpes iz qaldyrǵan, adamı qasıetterimen zamandastarynyń qúrmetine bólengen Elegen İztileýuly Qaıyrjanovtaı tulǵaǵa arnalǵan mundaı is-shara vedimistik bilim berý uıymdarynyń tarıhynda alǵash ret, jáne de Qazaqstan Respýblıkasynyń İshki ister mınıstri, z.ǵ.k., polısıa general-leıtenanty Turǵymbaev Erlan Zamanbekulynyń tikeleı qatysýymen jáne qoldaýymen ótkizilýde. E.İ. Qaıyrjanovty eske alýǵa arnalǵan memorıaldyq taqta Almaty akademıasynyń qabyrǵasynda turǵany mańyzdy jáne qýanyshty: Elegen İztileýulynyń jumys jolynyń orasan bóligi İshki ister mınıstrligimen jáne Almaty akademıasymen tikeleı baılanysty boldy.
Saltanatty sharaǵa Qazaqstannyń kórnekti saıası, qoǵam jáne ǵylym qaıratkerleri qatysty – Qazaqstan Respýblıkasy Parlamenti Senaty Tóraǵasynyń orynbasary, z.ǵ.d., profesor Abdırov N.M., Qazaqstan Respýblıkasy İshki ister mınıstrligi Qoǵamdyq keńesiniń tóraǵasy, z.ǵ.d., profesor M.Ch. Kogamov, z.ǵ.k., otstavkadaǵy general -maıor Kenjetaev D.T., qoǵam jáne ǵylym qaıratkeri, z.ǵ.d., profesor Alaýhanov E.O., sonymen qatar E.İ. Qaıyrjanovtyń kóptegen shákirtteri.
Ǵylym men bilim salasynda Qaıyrjanov E.İ. shamamen 50 jyl jumys atqardy. Ár jyldary kafedrany basqardy, İİM Almaty akademıasynyń dısertasıalyq keńesiniń tóraǵasy, múshesi boldy. Onyń ǵylymı jetekshiligimen kóptegen tanymal qazaqstandyq ǵalymdar doktorlyq dısertasıa qorǵady, 50-den astam shákirti zań ǵylymdarynyń kandıdaty boldy. 250-den astam ǵylymı eńbekter oǵan tıesili.
Búkil álemde ǵalymdar men zertteýshiler Elegen İztileýulynyń ózindik erekshelikterimen, krımınogendik prosesterdi názik túsinýimen erekshelenetin eńbekterin negizge alýda. İİM Almaty akademıasynda zań ǵylymdarynyń doktory, profesor E.I.Qaıyrjanovtyń ǵylymı mektebi jumysyn atqarýda, jyl saıyn konferensıalar, dóńgelek ústelder ótkiziledi, belsendi túrde ǵylymı zertteýler júrgizilýde mundaı zertteýlerdiń qoǵamǵa tıgizeri sózssiz joǵary qundylyq.
